«Ես կարծում եմ, որ իմ երեխաների կրթության իրավունքը, անձնական որոշումների իրավունքը ոչ ոք չի կարող վիճարկել»,-այս մասին այսօր կառավարության նիստից հետո լրագրողների հետ ճեպազրույցում ասաց ԿԳՄՍ նախարար Ժաննա Անդրեասյանն՝ անդրադառնալով իր երեխաներից մեկի՝ արտերկրում սովորելուն։ Նա չասաց, թե որ երկրում է իր երեխաներից մեկը բարձրագույն կրթություն ստանում։
Նախարարը նշեց, որ իր երեխաները սովորել են հանրակրթական համակարգում։
Արդյոք ՀՀ բուհերի հետ հույս չեն կապում, այս հարցին ի պատասխան՝ ԿԳՄՍ նախարարն ասաց՝ իր երեխաների մեկն է, որ բարձրագույն կրթության համակարգ է մուտք գործել եւ իր անձնական որոշմամբ ընտրել է այն բուհը, որտեղ կրթությունը շարունակում է։
Հարցին՝ այդ բուհը ՀՀ-ից դո՞ւրս է , նախարարը պատասխանեց․ «Դուք մտնում եք անձնական տիրույթ, որի իրավունքը բացարձակապես չունեք։ Իմ երեխաները, ինչպես մեր երկրում ցանկացած քաղաքացու երեխան, ազատ են որոշելու, որտեղ շարունակեն իրենց կրթությունը։ Որեւէ մեկը չի ասել, որ իմ երեխաներն այն պատճառով, որ իրենց մայրը որոշակի պաշտոն է զբաղեցնում, պետք է խտրական մոտեցման հանդիպեն կամ սահմանափակված լինեն իրենց որոշման ազատության մեջ»։
Կարդացեք նաև
Նելլի ԲԱԲԱՅԱՆ
