Գործադիրն այսօրվա նիստում որոշում ընդունեց 2 միլիարդ դրամ հատկացնել Արցախից բռնի տեղահանված անձանց առաջնային սոցիալական ծախսերը հոգալու նպատակով:
Նախագծով սահմանվում է բռնի տեղահանված յուրաքանչյուր անձի հատկացնել 50 հազար դրամ աջակցություն նոյեմբեր-դեկտեմբեր ամիսների համար։ Աջակցությունը տրամադրվելու է 40 հազար շահառուի:
Աշխատանքի եւ սոցիալական հարցերի նախարար Նարեկ Մկրտչյանը պարզաբանեց, որ միջոցառումից կարող են օգտվել 100 հազար դրամ աջակցություն ստացած շահառուները․ «Միջոցառումից չեն կարող օգտվել նրանք, որոնց բանկային հաշիվներում հոկտեմբերի 2-ի դրությամբ եղել է 2 միլիոն դրամից ավելի գումար, նրանք, որոնք Հայաստանի Հանրապետության բնակչության պետական ռեգիստրում հաշվառում ունեցել են սեպտեմբերի 19-ից առաջ, ինչպես նաեւ նրանք, որոնք բացակայում են Հայաստանից կամ նոյեմբերի 15-ի դրությամբ բնակվում են հյուրանոցներում եւ հյուրատներում»:
Նախարարը վստահեցրեց, որ աջակցությունը հնարավոր է ստանալ էլեկտրոնային դիմումով, վճարումները, ինչպես բոլոր դեպքերում է, իրականացվելու են բանկերի միջոցով՝ անկանխիկ եղանակով։
Կարդացեք նաև
Մանրամասները՝ տեսանյութում
Նելլի ԲԱԲԱՅԱՆ
