Բուժաշխատողների աշխատավարձի վերանայումը ամեն տարվա մեր նպատակներից է։ Այս մասին այսօր լրագրողների հետ հանդիպման ժամանակ ասաց առողջապահության նախարար Անահիտ Ավանեսյանն՝ անդրադառնալով հարցին՝ արդյոք այս տարի նախատեսվում է բուժաշխատողների աշխատավարձի բարձրացում, հատկապես՝ շտապօգնության ծառայության։
«2023-ին ներդրվեց առաջնային օղակներում մանկաբույժների, թերապեւտների, ընտանեկան բժիշկների, բուժքույրերի, բուժակ -մանկաբարձական կետերում բուժքույրերի աշխատավարձերի բոնուսային համակարգը, որը պատշաճ աշխատանքը խրախուսելու եւ ջանքերը փոխհատուցելու նպատակ ունի։ Սա առաջնային օղակ այցելությունների թվի վրա դրական է ազդել»,-ասաց նախարարը։
Շտապօգնության ծառայողների աշխատավարձերի, ըստ նախարարի, մինչեւ տասը տոկոս բարձրացել են․ «Իհարկե սա բավարար չէ։ Աշխատավարձերի վերանայումը ամեն տարվա մեր նպատակներից է, բայց կարեւոր է, որ նաեւ բովանդակությունը փոխի։ Այս տարի կամփոփենք եւ կավարտենք հանրապետական շտապօգնության ծառայության ստեղծումն ու ներդրումը ու դրա շրջանակներում ամբողջությամբ կվերանայվի շտապօգնության ծառայության բովանդակությունն ու աշխատավարձերը»։
Կարդացեք նաև
Նելլի ԲԱԲԱՅԱՆ
