«ՀՀ-ի համար շատ կարևոր է քաղհասարակության միջոցով նաև ԵՄ-ի հետ մեր համագործակցության ամրապնդումը»,- ԵՄ-Հայաստան քաղաքացիական հասարակության պլատֆորմի ամփոփիչ զեկույցի ներկայացման միջոցառման ժամանակ հայտարարեց ՀՀ Անվտանգության խորհրդի քարտուղար Արմեն Գրիգորյանը։
Նա հավելեց՝ ՀՀ-ի համագործակցությունը ԵՄ-ի հետ վերջին շրջանում շատ ինտենսիվ կերպով ընդլայնվում է․ «Անվտանգությունը ևս դարձել է ՀՀ-ԵՄ երկխոսության մաս։ ՀՀ-ն դիմել է, որ դառնա Եվրոպական խաղաղության գործիքակազմի մաս, և սա ցայտուն օրինակ է, թե ինչպես են ՀՀ-ԵՄ հարաբերություններն ընդլայնվում։ Միանշանակ է, որ այդ գործում քաղհասարակության դերը շատ կարևոր է։ Դժվար է պատկերացնել ժողովրդավարական երկու հանրությունների համագործակցություն առանց քաղհասարակության»։
Արմեն Գրիգորյանը հավաստիացրեց՝ քաղհասարակությանը որպես կարևոր գործընկեր են տեսնում ու նշեց․ «Կարևում ենք նաև այդ համատեքստում ՀՀ-ԵՄ հարաբերությունների ամրապնդումը։ Միանշանակ է, որ երկարատև կտրվածքով, եթե մենք ուզում ենք զարգացնել մեր հարաբերությունները և կայուն հիմքերի վրա դնել, ապա ԵՄ-ի հետ հարաբերությունները պետք է ներառեն քաղհասարակությունը, տնտեսությունը, անվտանգությունն ու այլ ուղղություններ։ Այստեղ միանշանակ է, որ մեր փոխգործակցությունը միայն ամրապնդվելու է»։
Տաթև ՀԱՐՈՒԹՅՈՒՆՅԱՆ
