Երեւանի Կոմիտասի անվան պետական կոնսերվատորիայի միավորման, փակվելու մասին լուրերը բուռն դժգոհությունների տեղիք են տվել, կոնսերվատորիայի ֆեյսբուքյան էջում տեղադրված է ծանուցում՝ մարտի 12-ին կայանալիք համակոնսերվատորիական ժողովի մասին: Վերջինիս մասնակցում են դասախոսներ եւ ուսանողներ: Կոնսերվատորիայի անվտանգության աշխատակիցները, սակայն, լրագրողներին թույլ չտվեցին ներս մտնել ու լուսաբանել հանդիպումը, ասացին, որ այն փակ է, սակայն չմանրամասնեցին, թե ում հրահանգով:
Կոնսերվատորիայի մուտքի մոտ ի թիվս այլ քաղաքացիներ, կանգնած էր նաեւ գրող, հրապարակախոս Ալլա Հակոբյանը, որը ներկայացավ որպես քաղաքացի: Նա ասաց, որ այդտեղ է, քանի որ իրենց միայն կոնսերվատորիայի հարցը չի հուզում, այլեւ առհասարակ մեր մշակույթը:
«Մի անձ, որ տառապում է միջնադարյան ֆեոդալի բարդույթներով, այնպիսի քաղաքականություն է վարում, որ ոչ միայն ոչնչացնում է մշակույթը, այլեւ ամեն բան՝ այդ թվում բանակը: Հիմա էլ հերթը հասել է ազգի շնչառությանը՝ մշակույթին: Սա այն բուհն է, որտեղ երաժշտություն են կրթում, այսինքն՝ աստծո լեզու…
Մենք իրավունք չունենք թույլ տալու, որ բարդույթներով տառապող մարդիկ, որոնք հեռու են ամեն ինչից՝ տնտեսությունից, մշակույթից եւ գիտությունից, գան ու ինչ ուզեն, անեն: Կոնսերվատորիայի հարցն էլ առաջ բերեցին, որ այլ հարցերից շեղեն… Այդ ակադեմիական քաղաք ասվածը արհեստական գաղափար է: Խորհրդային տարիներն արդեն իսկ հիմնել են այստեղ ակադեմիական քաղաք: Իսկ Մեսրոպ Մաշտոցի անվան Մատենադարանը կառուցելու ֆինանսավորումը 1943թ է տրվել, երբ պատերազմը դեռ չէր ավարտվել»,-ասաց նա:
Կարդացեք նաև
Գոհար ՀԱԿՈԲՅԱՆ
