ԿԲ Դիլիջանի ուսումնահետազոտական կենտրոնում կայացած Տնտեսական քաղաքականության խորհրդի նիստի ժամանակ Նիկոլ Փաշինյանը հայտարարել է, թե բուհական ոլորտում մեր խնդիրները խորն են, ՀՀ-ում գոյություն ունի 60 բուհ, ինչը նրա ձեւակերպմամբ, նշանակում է 60 ռեկտոր, մոտ 120 պրոռեկտոր, մի քանի 100 դեկան եւ 1000-ին մոտիկ դեկանի տեղակալներ: «Այս արտահայտությունը մեզ համար եթե ոչ կարմիր, ապա գոնե դեղին նշան պիտի լինի։ Ես ուզում եմ, որ մենք ստատուս-քվոն հասկանանք»,-ասել է նա:
«Բուհական ոլորտի մեր թերությունները զգում ենք ամեն տեղ… Որպես կառավարություն՝ զգում ենք, որ փորձագիտական հարցերի պատասխան ստանալը դառնում է ուղղակի անհնարինություն… Մեր իրականության եւ մեզ շրջապատող իրականության մասին մենք հայտնաբերում ենք տեղեկություններ, որոնք մեզ անհրաժեշտ էին, ասենք, 7, 10 տարի առաջ… Դա նշանակում է, որ գիտելիքի հետ առերեսվելու ճանապարհին 10 տարի ուշացել ենք, 5 տարի կամ 3 տարի ուշացել ենք, ինչը նեգատիվ ազդեցություն է ունենում մեր երկրի վրա…
Եթե մենք ՀՀ-ում բուհերը հավաստագրենք միջազգային չափանիշներով, ոչ մի բուհ հավաստագրում չի ստանա: Մենք չունենք ՀՀ-ում ոչ մի բուհ, որ միջազգային չափանիշներով հավաստագրվի եւ ստանա բուհական լիցենզիա: Սա ֆունդամենտալ արձանագրում է: Այս առումով Ակադեմիական քաղաքը մեզ համար չափազանց կարեւոր եւ ռազմավարական ծրագիր է: Մենք պետք է ընդլայնենք երկխոսությունը բուհական համակարգի, գիտական համակարգի, դիմորդների եւ հանրության հետ, որովհետեւ սա մեր երկրի տեսլականի կարեւոր մասն է…
Ի վերջո, Երևանում երկարաժամկետ հեռանկարում ոչ մի բուհ չպետք է լինի, Ակադեմիական քաղաքից դուրս ոչ մի բուհ չպետք է լինի։ Հայաստանյան բոլոր բուհերը՝ հայաստանյան թե օտարերկրյա, մասնավոր թե պետական, պետք է գործեն միայն Ակադեմիական քաղաքում»,- ասել է Փաշինյանը։ Հայտնել է, որ պետք է զրոյից սկսել։
Կարդացեք նաև
Նա ասել է, որ բուհերի բոլոր շենքերը պետք է համախմբվեն մի կազմակերպության մեջ, իսկ եկամուտը պետք է ուղղվի Ակադեմիական քաղաքին։
Իհարկե՝ուսանողությանը մայրաքա
Ղաքից պետք է հանել՝«հեղափոխությունները»կանխարգելելու համար։Թէ չէ դասեր չանելու համար նրանք պատրաստ են ամեն ինչի….
Հերիք չեղավ? հասարակությանը տափակ բաներով զբաղեցնես?։
Նույն անալոգիայով էլ հասարակությունը կասի – Երևանում երկարաժամկետ հեռանկարում ոչ մի նիկոլ չպետք է լինի, բանտից դուրս ոչ մի նիկոլ չպետք է լինի։ Հայաստանյան բոլոր նիկոլանմանները պետք է գործեն միայն Նուբարաշենի բանտում։
Բուհերը պետք է մնան Երևանում, ոչ մի ակադեմիական քաղաք, մի ավիրիր, Ալիեվն է հրամայե՞լ: Եթե Արցախը ու Նախիջևանը հետ չբերես, գահընկեց ես արվելու: