Գործող 25 կազմակերպություն պաշտպանության նախարարությունից ունի պատվեր՝ եռամյա պայմանագրով, ակնկալվում է, որ տարեվերջին այդ ընկերությունների թիվը կհասնի 29-ի։ Այդ մասին այսօր իր պաշտոնավարման 100 օրն ամփոփող ասուլիսում ասաց բարձր տեխնոլոգիական արդյունաբերության նախարար Մխիթար Հայրապետյանն՝ անդրադառնալով ռազմարդյունաբերական համալիրի աշխատանքներին։
Նրա խոսքով՝ այս պահին կա 46 պայմանագիր, որոնք արդեն կնքված են․ «Այս պահին պաշտպանության նախարարությունը 122 միլիարդ դրամի պատվեր է տվել։ Այս տարվա կտրվածքով ակնկալում ենք, որ պատվերների ընդհանուր գումարը կկազմի 191 միլիարդ դրամ։ Սրանք մեր կանխատեսումներն են»։
Նա պարզաբանեց, որ ռազմարդյունաբերության կոմիտեն ունի ռազմաարդյունաբերական գործունեություն ծավալող ընկերություններ, որտեղ կառավարությունը հիմնական բաժնետեր է։
Կոմիտեի հիմնական առաքելությունը, ըստ նախարարի, ստեղծել համապատասխան միջավայր, որը գրավիչ կլինի ոլորտի խաղացողների համար՝ գիտական եւ բիզնես շրջանակների համար։
Կարդացեք նաև
Նելլի ԲԱԲԱՅԱՆ
