«Ապրիլին ՌԴ կատարած այցի ընթացքում ՌԴ նախագահին տեղեկացրել եմ, որ քարոզարշավի բերումով չեմ կարողանա մասնակցել մայիսի 9-ի միջոցառումներին»,-հարցին՝ մասնակցելո՞ւ եք մայիսի 9-ին Մոսկվայում կայանալիք շքերթին, ՀՀ կառավարության նիստին հաջորդած ասուլիսի ժամանակ այսպես պատասխանեց ՀՀ վարչապետ Նիկոլ Փաշինյանը։
Հարցին՝ արդյոք ՀՀ-ից մասնակցություն լինելո՞ւ է, Նիկոլ Փաշինյանը պատասխանեց․ «Արդեն հայտարարել ենք, որ քարոզարշավի ենք և մասնակցելու ենք քարոզարշավի»։
Կարդացեք նաև
Լրագրողները փաստեցին՝ զուգահեռ մամուլի ասուլիս է տալիս Սամվել Կարապետյանը, Նիկոլ Փաշինյանն ասաց, որ չի կարող մեկնաբանել, քանի որ չի լսել այդ հայտարարությունները և ասաց․ «Զվարճալի է լսել, որ որևէ մեկը, որն ընդհանրապես թեկնածու չէ և չի էլ կարող լինել, հայտարարում է, որ ընտրություններում հաղթելու է։ Չի կարող ընտրություններում հաղթել մի մարդ, որն ընդհանրապես ոչ մի բանի թեկնածու է»։
Այն, որ ՔՊ-ի վարկանիշն անկում է ապրում, Նիկոլ Փաշինյանը հակադարձեց․ «Բոլոր հրապարակված հարցումների համաձայն՝ մեր վարկանիշը առնվազն կրկնակի ավել է ամենաբարձր վարկանիշ ունեցող ընդդիմադիր ուժի վարկանիշից։ ԱԺ-ում խնդիր եմ ձևակերպել և քաղաքացիների հետ աշխատում ենք, որ պատերազմի եռագլուխ կուսակցություններից որևէ մեկը չհաղթահարի խորհրդարան անցնելու անհրաժեշտ շեմը»։
Նիկոլ Փաշինյանի ասուլիսն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
