«Թուրքիան համարում է, որ այս տարածաշրջանն իր ազդեցության գոտին է, ու ինքը պետք է իշխի, հիմա էլ շարունակվում է այդ քաղաքականությունը, ոչինչ չի փոխվել»,- այսօր Հաղթանակի զբոսայգում լրագրողների հետ զրույցում ասաց «Ռեֆորմիստներ» կուսակցության վարչապետի թեկնածու, ՊՆ նախկին նախարար Վաղարշակ Հարությունյանը:
Հիշեցնենք, որ մայիսի 9-ը տարիներ շարունակ Հայաստանում նշվել է որպես Եռատոն՝ Հայրենական մեծ պատերազմում տարած հաղթանակի, Շուշիի ազատագրման եւ Արցախի Պաշտպանության բանակի կազմավորման օր:
Հարությունյանը, անդրադառնալով Զելենսկու երեւանյան այցին ու կատարած հայտարարություններից հետո ՌԴ-ում ՀՀ դեսպանին ԱԳՆ կանչելու տեղեկությանը՝ ասաց. «Երբ որ դեսպանին հրավիրում են ու նոտա են տալիս, դա արդեն ճգնաժամ է: Եվ այստեղ որեւէ դրական բան չեմ տեսնում: Խոսքն այն չէ, որ անցկացրել ենք ԵՄ գագաթնաժողով, ռուսական կողմը ձեւակերպումը տվել է, որ տրամադրել եք տարածք, որտեղից Զելենսկին խոսել ու սպառնացել է Մոսկվային: Կարող եմ ասել, որ հայ-ռուսական հարաբերությունների լարվածությունը աճում է»:
Կարդացեք նաև
Արփինե ՍԻՄՈՆՅԱՆ
Լուսանկարն՝ արխիվային
