Շենգավիթ վարչական շրջանում, երբ ՀՀ վարչապետ Նիկոլ Փաշինյանը քարոզարշավ էր անում, «Նիկո′լ դավաճան» գոչած քաղաքացուն ոստիկանները քարշ տալով բերման ենթարկեցին։
Նրա կինը լացակումած գոչում էր․ «Բռնի կերպով ամուսնուս կանդալները հագցրին ու տանում են՝ հրելով բոլորիս, տարեց մորը»։
Կարդացեք նաև
Նշենք, որ Շենգավիթի ոստիկանապետն էլ էր մասնակցում Նիկոլ Փաշինյանի քարոզարշավին։
Տղամարդը, որին բերման էին ենթարկում, ասում էր․ «Մի քաշի ձեռքիցս։ Կանդալը հանի ձեռքիցս, կմտնեմ»։ Կողքից փորձում էր միջամտել նրա տարեց մայրը, բայց անօգուտ։
Ի վերջ ոստիկանները տարան քաղաքացուն։ Նա գոչեց՝ տանում են Շենգավիթի ոստիկանության բաժին։
Նշենք, որ քաղաքացին իր տեսաուղերձում մինչ այդ հայտարարել էր, որ ինքը շենգավիթցի Արտակն է և սպասում է Նիկոլ Փաշինյանին։ Նա մասնավորապես հայտարարել էր․ «Նիկոլ, երևի դու հասկացար՝ ով է․ շենգավիթցի Արտակն է, ես քեզ ստեղ սպասում եմ, թռածներիդ կուտոկին հավաքի, արի Շենգավիթ։ Եթե էդքան լավ ես աշխատել, վախդ ինչո՞ւմ է, որ քարոզարշավ ես անում․ տեղդ նստի։ Ես քեզ Շենգավիթում սպասում եմ, արի, տեսնես՝ ինչ հաճելի ձևերով ենք քեզ դիմավորելու։ Ստուկաչ, Շենգավիթում քեզ Արտակը սպասում է»։
ՔՊ քարոզարշավը Շենգավիթում ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Լուսանկարները լրագրող Սյուզի Բադոյանի ֆեյսբուքյան էջից
