«Խնդրում եմ Ձեզ, ժողովրդի հետ խոսելիս փոխեք Ձեր տոնը։ Կանանց վրա եք հարձակվում»,-Արաբկիրում քարոզարշավ իրականացնող ՀՀ վարչապետ Նիկոլ Փաշինյանին դիմեց մի կին։
Փաշինյանն արձագանքեց․ «Կանանց վրա հարձակում չկա, բոլոր քաղաքացիներին հարգում եմ»։ Կինն էլ հակադարձեց․ «Ես էդ հարգանքը չեմ տեսնում, էդ ձևերն էլ արդեն չեն անցնում»։
Այնուհետև քաղաքացին Փաշինյանին հորդորեց․ «Խնդրում եմ Ձեզ՝ Ձեր լեքսիկոնի վրա աշխատեք, շատ աշխատեք»։ Նիկոլ Փաշինյանն էլ ասաց՝ աշխատում եմ։
Կարդացեք նաև
ՔՊ-ի քարոզարշավն Արաբկիրում ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
Հ. Գ. Փաստաբան Տաթեւիկ Սողոյանը ֆեյսբուքյան էջում գրել է. «Մայրիկս էությանս առանցքն է ու պայքարիս մոտիվացիայի աղբյուրը: Ամենաշատը աշխարհում կուզեի մայրիկիս առանց իր ցավի տեսնել: Ինչպես շատերդ ճանաչեցիք այսօրվա հերոսը մայրիկս էր, նույն ինքը բժշկական գիտությունների թեկնածու մանկաբարձ-գինեկոլոգ Արփինե Սողոյանը, նույն ինքը` 44-օրյա պատերազմում բռնի անհետացած փոխգնդապետ բժիշկ Հրանտ Պապիկյանի քույրը»։
