«Եթե ընտրությունների օբյեկտիվությունը կասկածի տակ դրվի, մենք արձանագրենք, որ արդյունքները կեղծվել են, բնականաբար, Հայաստանում վերջին 8 տարիներից հետո կհայտարարենք, որ ձևավորվել է ոչ լեգիտիմ իշխանություն։ Լավատես եմ, կարծում եմ, բանը դրան չի հասնելու, ժողովրդին կոչ ենք անում գնալ ընտրատեղամաս»,- քվեարկությունից հետո լրագրողների հետ զրույցում ասաց «Լուսավոր Հայաստան» կուսակցության վարչապետի թեկնածու Էդմոն Մարուքյանը՝ պատասխանելով հարցին՝ հետընտրական գործընթացներին պատրա՞ստ են մասնակցել կամ նախաձեռնել դրանք, եթե ընտրությունների արդյունքների օբյեկտիվությունը կասկածի տակ դրվի։
«Ակնկալիքս այն է, որ քաղաքական միտքը, քաղաքական բովանդակությունը, պառլամենտարիզմն այս գիշեր կվերադառնա Հայաստանի խորհրդարան»,- ասաց նա՝ հավելելով, որ բոլոր տեղերում բարձր մասնակցություն է, նման հերթեր չի հիշում։ Կարծում է, որ սա փաստում է մեկ բան՝ քաղաքական ուժերին հաջողվել է ակտիվացնել ժողովրդին ու բերել տեղամաս։
Մանրամասները՝ տեսանյութում։
Կարդացեք նաև
Նելլի ԳՐԻԳՈՐՅԱՆ
Լուսանկարները՝ ԼՀԿ ֆեյսբուքյան էջից
