«Գիտե՞ք՝ Երևանում քանի տարում են մանկապարտեզ սարքում, վերանորոգում․ 6-8 տարի է տևում ու չեն ավարտում։ Եկեք գնանք 95, 105, 137 մանկապարտեզներ։ Թիվ 95 մանկապարտեզում երեխաներին տարել, տեղավորել են, նկուղում, կոյուղին չեն մաքրել, թիվ 95 մանկապարտեզի բակը հիշեցնում է Գազան՝ Իսրայելի հարվածներից հետո։ Ձեր վերանորոգած մանկապարտեզների համար ամոթ է ուղղակի»,-ԱԺ նիստի ընթացքում հայտարարեց «Հայաստան» խմբակցության պատգամավոր Մեսրոպ Մանուկյանը։
Անդրադառնալով մանկապարտեզների շենքերը վերադարձնելու թեմային՝ Մեսրոպ Մանուկյանը նկատեց․ «8 տարի իշխանության եք, մի մանկապարտեզ հետ չեք բերել»։
Արձագանքելով նրա և մյուս ընդդիմադիր պատգամավորների ելույթներում հնչեցված՝ մասնավորապես մանկապարտեզների թեմային վերաբերող քննադատություններին՝ ՔՊ խմբակցության պատգամավոր Թագուհի Ղազարյանը հայտարարեց․ «Նշում եք, որ մանկապարտեզ մենք չենք կառուցել։ Այո, Վահագն Ալեքսանյանը ոչ մի մանկապարտեզ չի կառուցել, ավելին՝ ոչ մի մանկապարտեզ «չի կերել»։ Այնուամենայնիվ, Երևանում 2026-ի մայիսի դրությամբ 500 մանկապարտեզ ծրագրով վերակառուցվել է 10, կառուցվել 2 և հիմնանորոգվել 39 մանկապարտեզ։ Այո, 51-ը քիչ է, իսկ ինչո՞ւ ավելի շատ մանկապարտեզների կարիք ունեն երեխաները, ո՞ւր են կորել Երևանի մանկապարտեզները»։
Կարդացեք նաև
Այնուհետև թվարկեց, թե Երևանի որ մանկապարտեզն ինչպես և ովքեր են սեփականաշնորհել։
ԱԺ նիստն ամբողջությամբ՝ տեսանյութում
Տաթև ՀԱՐՈՒԹՅՈՒՆՅԱՆ
