Լրահոս
Օրվա լրահոսը

Լոռեցի կանայք դրամաշնորհներ ստացան

Ապրիլ 30,2014 15:13

Նրանք այսուհետ կյանքի կկոչեն իրենց բիզնես ծրագրերը:

Այսօր Վանաձորում լոռեցի ութ կին իրենց բիզնես ծրագիրն իրականացնելու համար դրամաշնորհներ ստացան Եվրամիության կողմից:
Դրամաշնորհները տրամադրվեցին ՀՀ Լոռու մարզում կանանց միջոցով համայնքների զարգացմանը նպաստող ձեռնարկատիրական ծրագրերի իրականացման համար:
Շնողի եւ Ախթալայի համախմբերի համայնքների (Շնող, Թեղուտ, Ախթալա, Շամլուղ, Մեծ Այրում եւ Ճոճկան) ընտրված բիզնես ծրագրերին դրամաշնորհների հանձնման արարողությունն իրականություն դարձավ «Հայաստանի երիտասարդ կանանց ասոցիացիա» հասարակական կազմակերպության շնորհիվ` «Կանանց սոցիալ-տնտեսական հզորացում Հայաստանում» ծրագրի շրջանակներում:
Ծրագիրը ֆինանսավորում է Եվրամիությունը:

loreci-kanayq_01

«Ծրագիրը հաջողությամբ անցել է հաջորդ մակարդակի, որը հստակ է եւ իրականանալի: Դրամաշնորհների միջոցով, որոնք ծրագրի շրջանակներում հանձնվեցին շահառուներին, մի կողմից, ապահովում է կանանց տնտեսական կայունությունը, եւ որպես Տեղական Տնտեսական Զարգացման ծրագրի արդյունք, կնպաստեն համայնքի սոցիալ- տնտեսական զարգացմանը, մյուս կողմից, խթանում են կանանց կարողությունների զարգացմանը»-, նշեց ՀԵԿԱ-ի նախագահ Լիլիթ Ասատրյանը:

Լոռու մարզպետ Արթուր Նալբանդյանը եւս ողջունեց ծրագիրը`նկատելով, որ այն կնվազեցնի մարզից արտագաղթողների եւ արտագնա աշխատանքի մեկնողների թիվը:
«Համոզված եմ, որ այս երկու տարիների ընթացքում մենք միասնական ծրագիրը պետք է ավարտին հասցնենք: Ինչպես գիտենք, գաղտնիք չէ` Լոռու մարզում մեծ է նաեւ արտագնա աշխատանքի տոկոսը, մեծ է նաեւ արտագաղթի տոկոսը, եւ ես համոզված եմ նաեւ, որ ծրագիրը նպաստելու է, որպեսզի արտագնա աշխատանքի մեկնողների թիվը նվազի, ինչպես նաեւ այն ընտանիքների, որոնք արտագաղթում են»,-եզրափակեց Լոռու մարզպետը:

Անուշ ԲՈՒԼՂԱԴԱՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Ապրիլ 2014
Երկ Երե Չոր Հնգ Ուրբ Շաբ Կիր
« Մար   Մայիս »
 123456
78910111213
14151617181920
21222324252627
282930