Վերջին օրերին խոսվում էր, թե «Երկրապահ» պատգամավորական խումբը հրաժարվելով իր անունից, անվանվելու է «Հայաստան»։ Մինչդեռ «Երկրապահին» մոտ կանգնած աղբյուրներն այլ տեղեկություն են հաղորդում։ Պատգամավորական խումբը պահպանելու է իր անունը եւ, բացի այդ, նաեւ մեծանալու է։ «Երկրապահին» են անդամագրվելու եւս 7-8 պատգամավոր։
95-ԻՑ ԴԱԺԱՆ ՉԻ ԼԻՆԻ
Ընտրական օրենսգրքի շուրջ հուլիսի 8-ին տեղի ունեցած միջկուսակցական քննարկումների ժամանակ ՀՅԴ ներկայացուցիչ Ռուբեն Հակոբյանը, չհամաձայնելով հանձնաժողովների ձեւավորման՝ Էդվարդ Եգորյանի առաջարկած տարբերակին, շատ թափանցիկ մի հայտարարություն արեց, որ այդ հիմքով ընտրությունների արդյունքներն ավելի դաժան կլինեն, քան 95-ին։ Դրան բնականորեն արձագանքեց Էդվարդ Եգորյանը, ասելով, թե 95-ից ավելի դաժան չի կարող լինել, որովհետեւ այս նոր իշխանության օրոք, Ռուբեն Հակոբյանի առաջարկած տարբերակով, հանձնաժողովներում գործադիր իշխանությունը մեծամասնություն կունենա եւ իր թեկնածուին կանցկացնի սուսուփուս։
ԻՆՏԵՐՊԱՌԼԱՄԵՆՏԻ ՀՈԲԵԼՅԱՆԱԿԱՆԻՆ
Կարդացեք նաև
Այս օրերին Հայաստանի խորհրդարանականների պատվիրակությունն ԱԺ նախագահ Խոսրով Հարությունյանի գլխավորությամբ մասնակցում է Ինտերպառլամենտի նիստին, որը 100-րդ հոբելյանականն է։ Այն համընկավ Ռուսաստանի համար դրամատիկ ժամանակահատվածին։ Հայաստանից ԱԺ նախագահի հետ այդ ատյանի աշխատանքներին մասնակցում են նաեւ Պարույր Հայրիկյանը (ԻՄ), Ամալյա Պետրոսյանը («Շամիրամ») եւ Հովհաննես Թոքմաջյանը («Մտավորական Հայաստան»)։