ԱԺ պատգամավոր Արտաշես Գեղամյանի հայտնի ելույթը աննկատ չմնաց: Նրան լավ ճանաչող մի նախկին պատգամավոր մեզ տեղեկացրեց, որ 1995 թ. ընտրություններում Դավթաշենի տեղամասում Գեղամյանը չէր հաղթել, ինչը արձանագրվել էր փաստաթղթերով: Սակայն Լ. Տեր-Պետրոսյանի միջամտությունից հետո նա, այնուամենայնիվ, դարձել էր ժողովրդի ընտրյալ: Մի քանի օր առաջ Գեղամյանը հրապարակավ «շնորհակալություն» հայտնեց իրեն մարդամեջ հանողին:
ՍՐԱՆ ԷԼ ՀԱՍԱՆ
Դատախազությունը ստուգումներ է սկսել «Արարատ-Լադա» ընկերությունում, որի նպատակը 1993-ին ՆԳՆ-ին վաճառված «Հյունդայի»-ներին վերաբերող հարցերը պարզելն է։ Նշենք, որ այդ մեքենաներից մի քանիսը ԼՂՀ էին ուղարկվել, մնացածը մինչեւ այժմ օգտագործվում են։ Մինչդեռ այս տարիների ընթացքում այլ նախարարություններն առնվազն 3 անգամ փոխել են իրենց «31»-երը։
ՍԱՆԴՈՅԱՆՆ ՈՒ ՇԱՌՈՅԱՆԸ
Կարդացեք նաև
Արմեն Դարբինյանի հրամանագրով նկատողություն է հայտարարվել ֆինանսների եւ էկոնոմիկայի նախարար Էդվարդ Սանդոյանին եւ մշակույթի նախարար Ռոլանդ Շառոյանին։ Կարգապահական պատասխանատվության ենթարկելու հրամանագիրը ստորագրվել է այն հիմքով, որ Սանդոյանն ու Շառոյանը ուշացրել են մշակութային ոլորտին վերաբերող մի օրինագծի ներկայացնելը կառավարությանը։
ԱՆԸՆԴՈՒՆԵԼԻ ՕՐԵՆՍԳԻՐՔ
«Կա մեկ հարց, որն ընդհանրապես չի քննարկվել։ Մեծամասնական ընտրատարածքում առաջադրվող թեկնածուն պետք է հավաքի 2000 ստորագրություն։ Անցյալում 500 ստորագրություն էր անհրաժեշտ։ Եթե նույնիսկ ընտրատարածքների 2 անգամ նվազելով է դա պայմանավորված, ապա ստորագրություններն ընդամենը 1000-ը պետք է լինեին։ Մինչդեռ 500-ն էլ դժվարությամբ էր հավաքվում։ Հիմա պարտադրվում է 10 օրում 2000 ստորագրություն հավաքել, ինչը գործնականում անհնար է։ Ում կաջակցի իշխանությունը՝ նա էլ կհավաքի այդ ստորագրությունները։ Օրենսգրքում կա նաեւ շրջիկ քվեատուփերի գաղափարը, ինչը կեղծիքների բուն է»,- այսպես բնութագրեց Ընտրական օրենսգիրքը Բաբկեն Արարքցյանը։ Նրա հետ հարցազրույցը՝ վաղվա «Առավոտում»։
