Արսեն եւ Արմեն Խաչատրյանների ծնողներն ու հարազատները երթերը դեպի հանրապետության նախագահի նստավայր առժամանակ կդադարեցնեն։ Փոխարենը նստացույց կկազմակերպեն արդեն հանրապետության դատախազության առջեւ։ Արսեն Խաչատրյանի մորը նախագահի աշխատակազմից տեղեկացրել են, որ նրա որդու հարցը նախագահի ուշադրության կենտրոնում է։ Մարտի 4-ին նախաքննության ժամկետն ավարտվում է. այդ օրն առավոտյան Ազատության հրապարակից երթը դարձյալ կշարժվի նախագահի «դուռը»։
Արմեն Խաչատրյանի մոր դիմումը նախագահին՝ որդուն տեսակցելու թույլտվություն ստանալու համար, առայժմ անպատասխան է։ Իսկ երրորդ մարդու ներկայության վարկածը նոր թափ է ստանում։
Լ. Ա.
