Լուսավորության նախկին նախարարի պաշտպան, փաստաբան Անժելա Կարապետյանին է ներկայացվել իր պաշտպանյալի՝ Ա. Բլեյանի, բժշկական փորձաքննության եզրակացությունը։ Ըստ այդ եզրակացության (24 օգոստոսի) Ա. Բլեյանը «ստացել է թեթեւ մարմնական վնասվածք… կյանքին վտանգ չսպառնացող»։ «Առավոտին» հասած տեղեկությունների համաձայն՝ Ա. Բլեյանը ենթարկվել էր ծեծի օգոստոսի 18-ին (մեկուսարանի պետի տեղակալ Գերասիմ Գեւորգյանի կողմից)։ Պատճառների մեջ նշվում էին նրա որոշ հրապարակումները, մասնավորապես՝ «Առավոտ» օրաթերթում։ Ա. Բլեյանի «հարկաբաժնից» այս պահին մեր ունեցած աղբյուրի համաձայն, հանվել է հեռուստացույցը։ Կալանավորների շրջանում նշում են՝ «Բլեյանի պատճառով»։ Բլեյանի առողջական վիճակը կտրուկ վատացել է։
ՍԵՎԱՆՈՒՄ ՍԵՎԱՄՈՐԹ ԵՐԳԻՉ Է ԽԵՂԴՎԵԼ
Այս տարի Սեւանա լճում խեղդվողների թիվը կտրուկ աճել է։ Օրերս լճում, տարբեր ափերում խեղդվել են մի սեւամորթ տղամարդ եւ երկու հնդիկ ուսանողներ։ Պատճառները ստույգ հայտնի չեն, բայց տարբեր ենթադրություններ կան։ Սեւամորթ տղամարդն իր սեւամորթ ընկերուհու հետ բոլոր հայերի պես գնացել էր Սեւանա լճի ջրում զովանալու եւ «զագառ» ընդունելու։ Սովոր իրենց Չադին՝ նրանք տեղյակ չէին մեր Սեւանա լճում կատարված նման դեպքերի քանակին։ Նշենք նաեւ, որ սեւամորթ տղամարդը եւ կինը երգիչներ էին եւ պայմանագրով աշխատում էին «Ոսկե ձկնիկ» ռեստորանում։ Պատմում են, որ նրանք այդ ռեստորանում հայկական հայրենասիրական երգեր էին երգում։
