«Առավոտը» պետաիրավական հարցերի հանձնաժողովի նախագահ Վիկտոր Դալլաքյանից հետաքրքրվեց, թե շարունակելո՞ւ են պնդել իրենց նախաձեռնությունը, ըստ որի պատգամավորի խափանման միջոցի փոփոխման միջնորդությամբ ԱԺ-ին կարող են դիմել 1-ին ատյանի դատավորները. «Մեր օրենսդրական նախաձեռնությունը չի հետապնդել իրավիճակային խնդիր լուծելու նպատակ։ Սա սկզբունքային մոտեցում է եւ մենք պնդելու ենք, որ առաջիկա եռօրյա նիստերի ընթացքում այն անպայման քննարկվի»։
ՎԱՏ ԼՈՒՐ
Մամուլում հրապարակված իր հարցազրույցներից մեկում ՀՅԴ Հայաստանի ԳՄ ներկայացուցիչ Արմեն Ռուստամյանն ասել էր. «Եթե «վհուկներ» իրականում կան, ինչպես մեր դեպքում, ինչո՞ւ նրանց չորսանք, հո հոժարակամ թույլ չե՞նք տալու, որ նրանք մեզ խժռեն»։ Հեքիաթային սոսկանքի տեսարանները մի կողմ՝ բայց ցավալի է համոզվելը, որ ժամանակին հետապնդումների թիրախ դարձածներն էլ կարող են արդարացնել «վհուկների որսը»։
