Տավուշի մարզպետարանից հայտնում են, որ օգոստոսի 23-ին պաշտոնական այցով Տավուշի մարզ է այցելել Հայաստանում Ղազախստանի արտակարգ եւ լիազոր դեսպան Այիմդոս Բոզժիգիտովը: Տավուշի մարզպետ Արմեն Ղուլարյանը դեսպանին ընդունելով՝ ներկայացրել է մարզի վերաբերյալ տեղեկատվություն, անդրադառնալով նաեւ Տավուշի տնտեսության գերակա ճյուղերին եւ հեռանկարներին:
Ըստ Տավուշի մարզպետարանի ինտերնետային կայքի՝ դեսպանը շնորհակալություն հայտնելով ընդունելության համար, նշել է, որ այդ երկրում հայկական մեծ համայնք կա, հավելելով. «Մի շարք ապրանքատեսակների, կոնկրետ կոնյակի եւ գինու արտադրության մենաշնորհը պատկանում է հայ ձեռնարկատերերին»:
Ըստ մարզպետարանի կայքի՝ «Այցին զուգահեռ դեսպանի նախաձեռնությամբ Տավուշի մարզպետարանում անցկացվեց «Ղազախստանի եւ Հայաստանի ջանքերը միջուկային զենքի չտարածման, ինչպես նաեւ երկու երկրների միջեւ միջտարածաշրջանային հարցերը՝ տնտեսական, էկոլոգիական եւ գիտական բնագավառներում» թեմայով կոնֆերանս:
Լուսանկարը՝ Տավուշի մարզպետարանի կայքի
Կարդացեք նաև
Ոսկան ՍԱՐԳՍՅԱՆ
