Այսօր Ամասիայի արվեստի դպրոցի շենքը շահագործման հանձնելուց առաջ, Aravot.am-ը Ամասիայի ՀՀԿ-ական գյուղապետ Աղասի Ամիրյանից հետաքրքրվեց, թե ի վերջո իրենց պատգամավորի` Աշոտ Աղաբաբյանի ջայլամաբուծության մասին տված նախընտրական խոստումը, որպես գաղափար իրագործելի՞ է, թե՞ ոչ: «Էդ հարցը ինձ չի հետաքրքրում, որովհետև մենք չունենք համապատասխան պայմաններ ջայլամաբուծության համար, մենք ուրիշ հարցերով ենք զբաղվում », -կարճ կապեց գյուղապետը:
Նույն հարցը ուղղեցինք Ամասիայի շարքային բնակիչներին: «Դա ընտրությունների կոչ էր, խաբուսիկ խոսք էր, չգիտե՞ք, որ ջայլամը ստեղ չի ապրի, դա նույնն է եթե հայաստանցին գնա Հյուսիսային Սառուցյալ օվկիանոսի մեջտեղը բնակվի , բա Ամասիան տաքություն սիրող ջայլամի տե՞ղ է, խոսք էր ասեց, գնաց ու էլ իրան չտեսանք»:
Մեկ այլ ամասիացի էլ կատակով խորհուրդ տվեց . «Լավ կանենք Աշոտ Աղաբաբյանի ջայլամները Մայիսյան գյուղում փնտրեք, միգուցե էնտեղ գտնե՞ք»:
Մեր այն դիտարկմանը` բայց ձեր պատգամավորն է չէ՞ Աշոտ Աղաբաբյանը, նրա ջայլամներն ի՞նչ գործ ունեն Մայիսյանում, մեր զրուցակիցը շարունակեց. «Ամասիացիների դեպուտատը մայրաքաղաքում ՊԵԿ նախագահ Գագիկ Խաչատրյանն է, նա է միայն մեր մասին մտածում, իսկ Աշոտ Աղաբաբյանը միայն ընտրություններից ընտրություն է հանդիպում»:
Կարդացեք նաև
Նունե ԱՐԵՎՇԱՏՅԱՆ
Խեղճ ամասիացիներ, չգիտեն, որ Պեկ-ի Գագոն Բուռնաշից բեթար է, երկիրը քանդում է ու գալիս հերոս ձևանում: Խի Ծաղկաձորի փոխարեն մի հատ Ամասիայում շքեղ դյակ չի կառուցում Պեկի Գագոն, չէէէ, վախենում է, որ ամասիացիները իրան իրա անցյալը հիշեցնեն, դրա համար Ծաղկաձորում էնենց մի մեհյան է կառուցել, որ սաղի աչքից հեռու լինի, էն գիտի , թե կուտ տալով է ամասիացուն կարող ա բան տալ:Ամասիան էլ դրա օֆշորն ա, վարչապետից ինչա սովորելու, բան չկա դրա դեմն էլ կառնեն