Նոյեմբերի 9-ին ԱՄՆ-ի Կորպուս-Քրիստի քաղաքի «American Bank Center»-ում տեղադրված ռինգում կմենամարտեն երկու հայ պրոֆեսիոնալ բռնցքամարտիկներ:
Կիսաթեթեւ քաշային կարգում վերջապես կկայանա Վախթանգ Դարչինյան-Նոնիտո Դոներ ռեվանշ մրցամարտը: 2007 թվականին Վիկի նկատմամբ անակնկալ հաղթանակ տոնելով՝ ֆիլիպինցին միանգամից հայտնվեց պրոֆեսիոնալ բռնցքամարտի վերնախավում, որից հետո վեց տարի անընդհատ տարբեր պատճառաբանություններով խուսափում էր «Կատաղած Ցուլի» հետ ռեվանշ մրցամարտից: Միայն վերջերս կուբացի Գիլյերմո Ռիգոնդոյից կրած պարտությունը Դոներին հարկադրեց բարձրանալ կիսաթեթեւ քաշային կարգ եւ հանդիպել Վախթանգ Դարչինյանի հետ:
Նույն օրը նույն վայրում 1-ին միջին քաշային կարգում WBO աշխարհի չեմպիոնի գոտու համար, որը վերցվել է ռուսաստանցի Զաուրբեկ Բայսանգուրովից, կհանդիպեն ԱՄՆ-ի դրոշի ներքո հանդես եկող Վանես Մարտիրոսյանն ու ԱՄՆ-ը ներկայացնող Դեմիտրիուս Անդրադեն:
Աշոտ ՀԱԿՈԲՅԱՆ
