Օրեր առաջ հրապարակվեց «Ինտեգրացիա և զարգացում» ՀԿ-ի անցկացված սոցհարցման արդյունքները, համաձայն որի` հարցվածների 86 տոկոսը բավականին դրական է վերաբերվում Մաքսային միությանը միանալու` ՀՀ իշխանությունների որոշմանը:
Երեկ էլ նույն հարցի կապակցությամբ Պարույր Հայրիկյանը ներկայացրեց ԱԻՄ–ի ու «Պետություն հանուն մարդու իրավունքների» ՀԿ-ի իրականացրած հարցումների արդյունքները` համաձայն որոնց` ժողովրդի միայն 20 տոկոսն է կողմ Մաքսային միությանը անդամակցելուն:
Aravot.am-ը «Հայկական սոցիոլոգիական ասոցիացիայի» ղեկավար Գևորգ Պողոսյանից հետաքրքրվեց` գործնականորեն հնարավո՞ր է նման տատանում նույն հարցի վերաբերյալ: Պարոն Պողոսյանը պատասխանեց. «Իհարկե, հնարավոր չէ, անգամ, եթե դա արվեր ոչ թե մեկ շաբաթ, այլ մեկ ամիս հետո, նման տարբերություն չէր կարող լինել: Հայրիկյանի կողմից իրականացվածը ոչ թե սոցհարցում է, այլ երևի փողոցում անցկացված հարցում: Այն ներկայացուցչական չէ: Նախորդ հարցումը ևս առաձնապես վստահություն չի ներշնչում»:
Պարոն Պողոսյանը նշեց, որ իրենք խուսափում են նման հարցումներից ու ասաց, թե ինչու. «Բնակչության մեջ հստակ պատկերացում ոչ Մաքսային միության, ոչ էլ Ասոցացման համաձայնագրի մասին չկա: Այդ հարցումը կարելի է փորձագետների շրջանում անել: Բայց բնակչությանը այդ հարցը տալուց մենք նորից ու նորից իրենց կողմնորոշումներն ենք բացահայտում Ռուսաստանի և Եվրոպայի նկատմամբ: Իսկ դրանք 15 տարի նույնն են. ժողովրդի մեծ մասը դեպի Ռուսաստանն է կողմնորոշված` պայմանավորված քաղաքական, մշակութային և ֆինանսական կապերով»:
Կարդացեք նաև
Հետաքրքրվեցինք` գուցե այդ հարցումները պատվերո՞վ են արված, պարոն Պողոսյանն ասաց. «Հայրիկյանի մոտեցումը ՌԴ-ի նկատմամբ վաղուց պարզ է և այդտեղ նորություն չկա»:
Տաթև ՀԱՐՈՒԹՅՈՒՆՅԱՆ
Միայն ՌԴ-ից պոկվելն է Հայաստանի զարգացման գրավականը, հակառկ դեպքում կմնանք վասալային վիճակում, ինչպես ԽՍՀՄ-ի ժամանակ էր, հակառակ պարագայում 88-ին սկասված Շարժումն անօգուտ պատք է համարել,,,
Ես պ-ն Պողոսյանին ու լրագրողին կառաջարկեի անձամբ մասնակցել հարցումներին ու իրենցից դուրս կարծիքներ չհայտնել
https://www.hayrikyan.com/index.php/%D5%B5%D5%A1%D5%B5%D5%BF%D5%A1%D6%80%D5%A1%D6%80%D5%B8%D6%82%D5%A9%D5%AB%D6%82%D5%B6%D5%B6%D5%A5%D6%80/292-86-87