Փետրվարի 4-ին ՀՀ սահմանադրական դատարանը, ՀՀ վարչական դատարանի դիմումի հիման վրա, քննության առավ «Գույքի նկատմամբ իրավունքների պետական գրանցման մասին» ՀՀ օրենքի 30-րդ հոդվածի 1-ին մասի 5-րդ ենթակետի` ՀՀ սահմանադրությանը համապատասխանության հարցը որոշելու վերաբերյալ գործը:
Ելնելով գործի քննության արդյունքներից եւ ղեկավարվելով Հայաստանի Հանրապետության Սահմանադրության 100-րդ հոդվածի 1-ին կետով, 102-րդ հոդվածով, ,Սահմանադրական դատարանի մասինե Հայաստանի Հանրապետության օրենքի 1, 63, 64 և 71-րդ հոդվածներով, Հայաստանի Հանրապետության սահմանադրական դատարանը ՈՐՈՇԵՑ.
1. ,Գույքի նկատմամբ իրավունքների պետական գրանցման մասինե ՀՀ օրենքի 30-րդ հոդվածի 1-ին մասի 5-րդ ենթակետում ամրագրված ,իրավունքը կամ սահմանափակումը սահմանող անհատական իրավական ակտը կայացվել է դրա ընդունման լիազորությունը չունեցող մարմնի կամ պաշտոնատար անձի կողմիցե դրույթը համապատասխանում է Հայաստանի Հանրապետության Սահմանադրությանը՝ սույն որոշման մեջ ամրագրված իրավական դիրքորոշումների շրջանակներում։
2. ,Գույքի նկատմամբ իրավունքների պետական գրանցման մասինե ՀՀ օրենքի 30-րդ հոդվածի 1-ին մասի 5-րդ ենթակետի «…կամ իրավունքը կամ սահմանափակումը սահմանող անհատական իրավական ակտը չի համապատասխանում դրա ընդունման համար հիմք հանդիսացած օրենքի կամ նորմատիվ իրավական ակտի պահանջներին» դրույթը, այնքանով, որքանով այն կիրառվում է առանց օրենքով սահմանված դատական կամ արտադատական կարգով տվյալ ակտի անվավեր ճանաչման, ճանաչել ՀՀ Սահմանադրության 1-ին, 5-րդ, 91-րդ և 108.1-րդ հոդվածների պահանջներին հակասող և անվավեր:
Կարդացեք նաև
3. Հայաստանի Հանրապետության Սահմանադրության 102-րդ հոդվածի երկրորդ մասի համաձայն սույն որոշումը վերջնական է և ուժի մեջ է մտնում հրապարակման պահից։
ՍԴ մամուլի ծառայություն
ՍԴ-ը պարտավոր է` օրենքով, հարգի իր իսկ որոշումը և համաձայն ՀՀ Սահմանադրության ՀՈԴՎԱԾ 100 կետ 1, 5, 6, 9, եզրակացություն տա ՀՀ Նախագահին պաշտոնանկ անելու և ՀՀԿ գործունեությունը արգելելու մասին: