Պարտադիր կուտակային կենսաթոշակային համակարգի դեմ դուրս եկած գյումրեցի երիտասարդներն այսօր քաղաքի ողջ կառույցները` Շիրակի մարզպետարանի շենքը, Հանրապետական կուսակցության գրասենյակներն ու քաղաքապետարանի դիմացի մայթը հեղեղեցին «Դեմ ենք պարտադիր կուտակայինին» ու «Չենք արտագաղթում» ցուցապաստառներով:
Ոչ մի կառույցում երիտասարդներին չխոչընդոտեցին փակցնել դրանք, բացառությամբ Գյումրու քաղաքապետարանի:
Ցուցարարները դեռ չէին փակցրել իրենց բողոքի պաստառները, երբ քաղաքապետարանի շենքից դուրս եկավ մի երիտասարդ ու հարցնելով, թե ինչ են անում, նրանց հետևից կայծակնային արագությամբ հավաքեց ցուցապաստառները:
Ստացվում է, որ հանրապետականներից ու Շիրակի մարզպետարանի պաշտոնյաներից առավել այս օրենքին կողմ է Գյումրու քաղաքապետ Սամվել Բալասանյանը:
Կարդացեք նաև
Նշենք, որ մյուս բոլոր կառույցների ներկայացուցիչները գոնե հասկացնում էին, որ նման օրենքը անընդունելի է սոցիալապես այսքան վատ պայմաններում:
Նունե ԱՐԵՎՇԱՏՅԱՆ
Էն որ Բալասանյանը անսկզբունք մի մարդ է /?/, գիտի սաղ երկիրը ու կալիֆոռնիահայությունը, մնում է, որ դա իմանան նրա տերերը ու հովանավորները, որոնց աչքի առաջ նա երկրից մեծ փող դուրս բերում Ամերիկայում և Չինաստանում պիվի գործարաններ դնելով: հետո էլ ասում էր վերականգնենք կորցրած աշխատատեղերը , բայց որտեղ Ամերիկայում և Չինաստանում? նա փաստորեն ոչ մի կոպեկ ներդրում Գյումրիում չի արել, արել է Ամերիկայում, Վրաստանում, Չինաստանում ու անգամ Գեղարքունիքում, բայց ոչ Գյումրիում, կեցցես Գյումրու քաղաքապետ, հըլը քամակիդ չեն տվել , դուրս գցել? ոչինչ շուտով, ոնց որ դու անմեղ մարդկանց, մանկապարտեզների դաստիարակներին փոխարինում ես պիվագործների կնկտանցով, այդպես էլ քեզ մի օր կփոխարինեն, եվ հետո, անցյալ օրը Բալասանյանի առաջնորդ Ծառուկյանը դեմ էր կուտակային ռեֆորմին, բա չի տեսնում իրա կադրը Գյումրիում ինչ է անում?
Գյումիի բնակիչներ, արդեն պետք է լուրջ գործողություններ ձեռնարկել: Կատակ անելու ժամանակը չէ: Թե չե Բալասանյանը գիտի թե, իր դեմ գրողները կատակ են անում, կամ ինչ-որ մեկի դրդմամբ են գրում, կամ էլ մտածում է, թե ոչինչ, սովորական երևույթ է, “բոլորին էլ դեմ ելնողներ եղել են”, իհարկե, ինչպես միշտ խոսում է առանց մտածելու:Բայց դեմ էլ կա, դեմ էլ: Իրեն թվում է, թե ոչ ոք չի տեսնում, որ ինքը որոշ ուժերի ձեռքին առնվազն մարիանետկա է, և դրվել է քաղաքապետ ոչ թե քաղաքի համար աշխատելու, այլ այդ ուժերի թելադրանքները կատարելու համար, այն էլ շատ պրիմիտիվ, անգրագետ և գռեհիկ ձևով:
Ինչ վերաբերվում է կենսաթոշակային ֆոնդին, իրեն բացատրածից միայն հասկացել է պահումների մասով, մնացածը իրեն չի հետաքրքրում: