Հատված Գալուստ Սահակյանի (ԱԺ ՀՀԿ խմբակցության ղեկավար) հարցազրույցից:
– Խորհրդարանի կուլիսներում խոսում են, որ հենց Գալուստը մի լավ բան է ասում ամբիոնից, «ղեկավարությունը», գիտեք՝ ով, փսորում է նրա ասած «գաղափարախոսությունը», ասենք, էն օրը, երբ Դուք մեջբերում արեցիք Թումանյանից, դահլիճը քարացած լսում էր, ԲՀԿ–ն «շանթահարված» դուրս էր թռչում դահլիճից, էֆեկտն անչափ խորն էր, մեկ էլ Արգամիչը Ձեզ հարցրեց՝ ինչո՞ւ սկզբից չասացիք, որ Թումանյանն է ասում, որ ԲՀԿ–ն դահլիճից դուրս չգար։
– Յուրաքանչյուրը գործում է իր լիազորությունների շրջանակում։ Էֆեկտը ես եմ, ես եմ արժեքավորում իմ գործողությունները, ես ընդամենը կարողանում եմ բանախոսել յուրաքանչյուր հարցի շուրջ։
– Էդ մեկը՝ հաստատ. ԲՀԿ–ն իր կյանքում երբեք դահլիճից դուրս չէր եկել, դա նախադեպ էր, եթե չասենք՝ սիմվոլիկա էր հետագա զարգացումների համար։ Տեսնում եք՝ նրանք, ովքեր վաղը դուրս են գալու մի հսկա մեծամասնության կառավարության դեմ, Ձեր երկու բառից իրե՛նք դուրս թռան ԱԺ դահլիճից:
Կարդացեք նաև
– Այո, երբ ես խոսում եմ, բոլորը պետք է ոտքի կանգնեն։
– Եվ դուրս գան, ինչպես ընդունված է «ներվայինները դուրս գան դահլիճից» սկզբունքով, ճիշտ է, մի քիչ խանգարող եղավ, բայց ամեն բան առավել քան ճշգրիտ էր։ Գրիգորիչ, բայց ինձ թվում է, թե Ձեզ նախանձում են։
– Չեն կարող, լավ կլիներ իրենք էլ կարողանային ինձ ընդդիմախոսել։ Լավ կլիներ իրենց կշիռն էլ էդպիսին լիներ, այ, այստեղ է, որ ասում եմ գաղափարախոսություն, որն էլ մեր դեպքում շատ լավ աշխատում է։
Կարմեն ԴԱՎԹՅԱՆ
Հարցազրույցն ամբողջությամբ կարող եք կարդալ «Իրատես de facto» թերթի այսօրվա համարում
