Aravot.am-ը Հայոց ցեղասպանության թանգարան – ինստիտուտի փոխտնօրեն Սուրեն Մանուկյանի հետ զրույցում փաստեց, որ Հայոց ցեղասպանության թանգարան ինստիտուտի ֆեյսբուքյան էջին հավանություն է տվել շուրջ 2200 օգտատեր, իսկ twitter-յան էջին ընդամենը 903 հոգի է հետեւում: Եվ սա այն դեպքում, երբ սոցցանցերը իրազեկման լավագույն գործիքն են, դրան գումարած նաեւ այն, որ երիտասարդությունն ավելի ակտիվ է հենց սոցցանցերում:
Պարոն Մանուկյանը նշեց, որ երբ Հայկ Դեմոյանը նշանակվեց Ցեղասպանության թանգարան-ինստիտուտի տնօրեն, ընդամենը 31 տարեկան էր, ինքն էլ՝ փոխտնօրեն նշանակվելիս 30 տարեկան էր: Նաեւ հավելեց, որ թանգարանի-ինստիտուտի Ֆեյսբուքյան էջով ակտիվորեն սկսել են զբաղվել օգոստոսից, իսկ twitter-ով սեպտեմբերից: Նա փաստեց, որ, օրինակ, հումորիստ ու սերիալի դերասան Արմեն Պետրոսյանի (Մենչ) էջը 7000-ից ավելի հետեւող ունի: «Ինչ ասեմ, սերիալային հասարակություն է, մարդկանց ուշք ու միտքը նման բաներ են»,-նեղսրտեց թանգարանի փոխտնօրենը: Մեկ ուրիշ, օրինակ էլ բերեց՝ քաղաքական գործիչների ասուլիսներին ասեղ գցելու տեղ չկա, Ցեղասպանության թեմայով միջոցառումներին սակավաթիվ լրագրողներ են գալիս:
Գոհար ՀԱԿՈԲՅԱՆ