Հայաստանի բռնցքամարտիկները ազգային հավաքականի գլխավոր մարզիչ Դավիթ Թորոսյանի ղեկավարությամբ այս օրերին Չեխիայի Ուստի նադ Լաբեմ քաղաքում մասնակցում են ավանդական միջազգային մրցաշարի:
Առաջին օրը ռինգ մտած մեր երեք տղաներից երկուսը՝ 64 կգ քաշային Գոռ Երիցյանը եւ 75 կգ քաշային Արման Հովհիկյանը, համապատասխանաբար, առավելության են հասել մոնղոլ Նորովբալ Օտգոնտոմորի եւ ռինգի տերերից Ժոզեֆ Պավլիսի (տեխնիկական նոկաուտով) նկատմամբ: Իսկ մեր երրորդ մասնակիցը՝ 60 կգ քաշային Արամ Ավագյանը, մրցավարների վիճահարույց որոշմամբ հավասար պայքարում զիջել է Ռուսաստանի ներկայացուցիչ Սերգեյ Կրասնիչկինին:
Աշոտ ՀԱԿՈԲՅԱՆ
Լուսանկարը՝ ՀԲՖ կայքի
