Կենտրոն և Նորք Մարաշ վարչական շրջանների ընդհանուր իրավասության առաջին ատյանի դատարանում «Շանթ Հարությունյան և ընկերներ» գործով դատական նիստը շարունակվում է: Նիստի ընթացքում ամբաստանյալները մի շարք հարցեր հղեցին ցուցմունք տվող, գործով տուժող ճանաչված Գեղամ Մանուկյանին:
Ամբաստանյալի պաշտպաններից Ա. Զաքարյանը Գեղամ Խաչատրյանից հետաքրքրքվեց, թե ե՞րբ են նրան հարցաքննել, ե՞րբ է տեղափոխվել հիվանդանոց և որքա՞ն ժամանակ է այնտեղ մնացել:
Այնուհետև ամբաստանյալներից մեկի և Գեղամ Մանուկյանի միջև միջադեպ տեղի ունեցավ: Ամբաստանյալը նշեց, թե ինքն էլ է սպա, ու նման ոստիկանը, որ նման գործողությունների է դիմում ու դատարանի դահլիճում ստում է սպա կոչվելու իրավունք չունի: Այս խոսքերի համար դատավորը նրա նկատմամբ սանկցիա կիրառեց՝ նախազգուշացում:
Նիստը խաղաղ, հանգիստ չէր ընթանում, միջադեպերը հետևում էին մեկը մյուսին:
Կարդացեք նաև
Ի վերջո, աշխատանքային օրվա ավարտին նախագահող դատավոր Մնացական Մարտիրոսյանը հայտարարեց, որ նիստը հետաձգվում է: Հաջորդ դատական նիստը տեղի կունենա հուլիսի 18-ին ժամը 12-ին:
Տաթև ՀԱՐՈՒԹՅՈՒՆՅԱՆ
