«Իրատես de facto»-ի հարցերին պատասխանում է քաղաքական վերլուծաբան ՎԻԳԵՆ ՀԱԿՈԲՅԱՆԸ::
-Լավ, ասենք, իրոք, ՌԴ-ն ունի ավելի ադեկվատ իշխանություն ձևավորելու խնդիր Հայաստանում, ումո՞վ է Սերժ Սարգսյանին փոխարինելու:
-Մեզ դուր կգա, թե ոչ, կարող է լինել, օրինակ, Ռոբերտ Քոչարյանը: Հիշեք Պորոշենկոյի օրինակը: Կարծում եմ, Գագիկ Ծառուկյանն արդեն մի քանի տարի փորձում է այդ տարբերակը, որ ինքը ֆինանսավորի հայկական Մայդանը և հաջողության դեպքում կամ ինքը, կամ մեկ ուրիշը դառնա ղեկավար:
-Կարո՞ղ է որոշակի իրավիճակում Լևոն Տեր-Պետրոսյանը մոռանա իր տարիքը:
Կարդացեք նաև
-Տարբերակ է, բայց խիստ կասկածում եմ, որ նա ունենա ռուսների անվերապահ համաձայնությունը:
-Կարո՞ղ է ավելի պայծառ փայլել Հովիկ Աբրահամյանի աստղը:
-Այսօր Հայաստանում իշխանության գրեթե բոլոր օղակները, կարծես, այնքան էլ ադեկվատ չեն վերաբերվում ստեղծված իրավիճակին: Ուղղակի շահագրգռության պակաս է զգացվում: Այնպիսի տպավորություն է, որ միակ մարդը, որ գործունեություն է ծավալում և դրդապատճառ ունի, Հովիկ Աբրահամյանն է: Նա աշխատում է իր ապագայի վրա: Այն տպավորությունն է, որ նրան ասել են` քեզ գցում ենք ջուրը, կարողացար դուրս գալ, կմտածենք քո ապագայի մասին: Հիմա նա աշխատում է` ինչպես պատկերացնում է, նույն մեթոդներն է կիրառում, ինչ իր խնամին, կարկուտը խփում է` Հովիկ Աբրահամյանը, դեռ չհալված, այդ գյուղում է ու հարցնում է` ի՞նչ է պետք: Ասեք` փողը տանք: Նույնը անում էր Գագիկ Ծառուկյանը: Կարծում եմ, Սերժ Սարգսյանը ստրատեգիական մեծ սխալ արեց, երբ տարեսկզբին հայտարարեց, որ քաղաքական դաշտից հեռանալու է:
-Դա կարող էր և խաբուսիկ հայտարարություն լինել, պարզելու` ով ով է:
-Խաբուսիկ հնարքը տակտիկական նպատակ կարող է ունենալ, բայց իր հայտարարությամբ Սերժ Սարգսյանը սկսեց օտարել վարչական ռեսուրսի առնվազն մի հատվածը, որը չի խորանում` խաբուսիկ է, խաբուսիկ չէ, սկսում է իր համար նոր տեր որոնել: Պատահական չէ, որ նստաշրջանի ավարտին բոլորին հավաքեց Ծաղկաձորում, որ ասի` ես դեռ այստեղ եմ, որովհետև իր հայտարարությամբ հասել էր անձնական իշխանության էական թուլացմանը և ուրիշ խմբավորումների ուժեղացմանը:
Անահիտ ԱԴԱՄՅԱՆ
Հարցազրույցն ամբողջությամբ՝ «Իրատես դե ֆակտո» թերթի այսօրվա համարում