Լեռնային Ղարաբաղի Հանրապետությունը շարունակում է իր մասնակցությունը զբոսաշրջային խոշորագույն ցուցահանդեսներին՝ այս անգամ Լոնդոնում: Նոյեմբերի 3-ին իր աշխատանքները սկսած «World Travel Market-Excell London 2014» ցուցահանդեսը համարվում է այս ոլորտում խոշորագույն իրադարձություններից մեկը:
Արցախյան պատվիրակությունը հաջող քարոզչական աշխատանքներ է իրականացնում՝ բաժանելով մեծ քանակությամբ գրականություն, հյուրերին ներկայացնելով Արցախի զբոսաշրջավայրերը: Առաջիկայում նախատեսվում է կազմակերպել ավանդական հյուրասիրություն և գինու համտես ցուցահանդեսի մասնակիցների համար, որը միտված է ավելի աշխուժացնելու Արցախի տաղավարը:
Տխուր ավանդության համաձայն Ադրբեջանը փորձեց խափանել ցուցահանդեսում ԼՂՀ պատվիրակության մասնակցությունը՝ նոյեմբերի 4-ին կազմակերպելով ցույց Արցախյան տաղավարի դիմաց, որը ինչպես միշտ տապալվել է:
Կարդացեք նաև
