Այսօր տնտեսագետ Արտակ Մանուկյանը խոսելով Հայաստանի Եվրասիական տնտեսությանն անդամակցության բացասական կողմերի մասին, «Բլից Ինֆո» մամուլի ակումբում այսպես ասաց. «Նոր տարվան մոտ կարծում եմ տխուր անակնկալներ չեն լինի, բայց հունվար-փետրվար ամիսներին փոխարժեքի իրական մրցունակության անդրադարձը կզգանք: Լրացուցիչ ռիսկեր են լինելու, այսինքն` որոշակի ժամանակաշրջան է պետք, որպեսզի պայմանագրային հարաբերությունը կարգավորվի»:
Տնտեսագետը Հայաստանը եւ Ռուսաստանը մենթալիտետով նմանեցնելով` օրենքի շրջանցում, կոռուպցիոն միջոցներով հարցի լուծումներ, բիզնեսի վրա ճնշումներ եւ այլ զեղծարարություններ, ասաց, որ շատ ճիշտ ընտրություն է կատարվել ԵՏՄ-ին անդամակցելու հարցում, քանի որ այդ մտածելակերպով Եվրամիություն գնալ չէինք կարող:
«Մենք, որպես տնտեսություն, ոչ մի բան չենք ձեռնարկում, որպեսզի կառուցենք մրցունակ տնտեսություն: Կան վերլուծություններ, որ եթե Հայաստանը մտներ Եվրամիություն, էլի սկզբնական շրջանում վնասներ էր կրելու պետությունը, բայց այդ դեպքում խնդիրը այլ կդառնար` մենք միառժամանակ վնասը կրելու էինք` ավելի երկարաժամկետ, մրցունակ արտադրանք թողարկելու համար, իսկ եթե ընդունում ենք հակառակ սպեկտորը` մրցունակությունը այդքան էլ չի կարեւորվում»,-ասաց Արտակ Մանուկյանը:
Տնտեսագետը հետեւելով այս օրերին տնտեսական ոլորտում տեղի ունեցող զարգացումներին, ասաց, որ խոշոր ցնցումներ չկան, մնում է հիմնականում պայմանավորվել մեր տնտեսության կախվածությունը Ռուսաստանի Դաշնությունից, իսկ Ռուսաստանում այդ անկումը ավելի մեծ է:
Կարդացեք նաև
«Հայաստանը բաց տնտեսություն է, բայց` փոքր, իսկ Ռուսաստանի տնտեսությունը ավելի մեծ է եւ նավթի գներն էլ որպես գործոն, ազդում են, որպեսզի խզվածությունը մեծանա»,-նշեց մասնագետը:
Անդրադառնալով որպես ավանդ դրված գումարի տոկոսադրույքի եւ տրվող վարկերի տոկոսադրույքի միջեւ տարբերությանը՝ տնտեսագետն ասաց. «Ինչքան գումարը քիչ է այնքան ավելի մատչելի է դառնում հատկապես` բիզնես սուբյեկտների համար, որ կարողանան շրջանառություն անել, ինչքան գումարը մեծ է այնքան նշանակում է ռիսկային են եւ այդ տեսանկյունից Հայաստանը վերջից 40-երրորդ տեղում է աշխարհում: Տնտեսության ազատության համեմատության թվին նայելով կարող ենք ասել, որ մեր բանկային հատվածը առավել զարգացածներից մեկն է համարվում:
Կենտրոնական բանկի վերջերս կայացրած որոշմանը կողմ եմ, հիմա քանի որ ամանորյա թոհուբոհին զուգընթաց մարդկանց մոտ մեծ է անորոշությունը, ներկա պահին փորձում է մեղմել այդ էֆեկտը»:
Անուշ ՄԱԹԵՎՈՍՅԱՆ