Երևանի քաղաքապետարանի պատանի հանդիսատեսի թատրոնը թատերասերներին է ներկայացրել հունգարացի դրամատուրգ Միկլոշ Դյաֆրաշի «Արթնացիր և երգիր» պիեսի հիման վրա բեմադրված «Սերը տարիք չի հարցնում», ներկայացումը։ Գլխավոր դերում Երևանի թատրոնի և կինոյի պետական ինստիտուտի դասախոս, դոցենտ Մարգարիտա Մնացականյանն էր, ում համար տարին նաև հոբելյանական է։
Ներկայացման պրեմիերային ներկա են եղել Երևանի քաղաքապետի տեղակալ Արամ Սուքիասյանը, բազմաթիվ արվեստագետներ, թատերարվեստի ներկայացուցիչներ, պետական գործիչներ, թատերասերներ։
Ներկայացման ավարտին քաղաքապետ Տարոն Մարգարյանի անունից Երևանի քաղաքապետի տեղակալ Արամ Սուքիասյանը հոբելյանի առիթով շնորհավորել է ներկայացման գլխավոր դերակատար Մարգարիտա Մնացականյանին և շնորհակալություն հայտնել թատերարվեստի նվիրյալ սերունդներ կրթելու համար։
«Ինքս էլ Թատրոնի և կինոյի պետական ինստիտուտի շրջանավարտ եմ և իմ ու, ընդհանրապես, մեզ նախորդած ու հաջորդած սերունդների անունից շնորհակալություն եմ հայտնում Ձեզ՝ օրինակելի նվիրումով աշխատանքի համար. նաև Ձե՛զ ենք երախտապարտ մասնագիտական այն որակի համար, որ ունենք»,- նշել է Արամ Սուքիասյանը։
Կարդացեք նաև
Հիշեցնենք, որ Մարգարիտա Մնացականյանը, թատերարվեստի բնագավառում ներդրած ավանդի և երկարամյա վաստակի համար, արժանացել է նաև Երևանի քաղաքապետի ոսկե մեդալի։
Երևանի քաղաքապետարան
Միկլոշ Դյաֆրաշ
Շնորհակալություն, ուղղեցինք: