Էդուարդ Շարմազանովի կարծիքով՝ Ադրբեջանի կողմից հարձակումները արդյունք են Ադրբեջանի ղեկավարության ապակառուցողական եւ հակահայկական քաղաքականության
ՀՀԿ մամուլի խոսնակ Էդուարդ Շարմազանովը մարտի 20-ին Հանրապետական կուսակցության ԳՄ նիստից հետո լրագրողներին հայտնեց, որ նիստի ընթացքում նախագահ Սերժ Սարգսյանը ներկայացրել է Բրյուսել կատարած այցի արդյունքները:
«Սերժ Սարգսյանը ունեցել է երկու հանդիպում, կարելի է ասել, որ հանդիպումները եղել են արդյունավետ: Հայաստան-Եվրամիություն քաղաքային խորությունը եւ կարեւորությունը ընկալվում է ե՛ւ Երեւանում, ե՛ւ Բրյուսելում: Կողմերն ունեն հստակ տեսլական, որ մենք պետք է զարգացնենք մեր քաղաքային խորությունը եվրոպական կառույցների հետ»,- ասաց նա:
Էդուարդ Շարմազանովն նշեց, որ նիստի ընթացքում քննարկվել է նաեւ Հայոց ցեղասպանության 100-րդ տարելիցին ընդառաջ եվրոպական կառույցների դատապարտող գնահատականները. «Վերջին մի քանի օրվա ընթացքում չոր եվրոպական կառույց խստորեն դատապարտել է Հայոց ցեղասպանությունը: Չորսը կառույցներից հնչող գնահատականները կարող են հստակ ամրագրել, որ եվրոպական քաղաքակրթությունը դատապարտում է Հայոց ցեղասպանությունը, այսինքն՝ Եվրոպան կոչ է անում Թուրքիային ճանաչելու այն»:
Կարդացեք նաև
Շարմազանովն ասաց, որ ԳՄ նիստի ընթացքու անդրադարձ է եղել նաեւ վերջին շաբաթվա ընթացքում 26 համայնքում տեղի ունեցած տեղական ինքնակառավարման մարմնի ընտրություններին. «Հաղթողների 70 տոկոսից ավելին հավաքել են ՀՀԿ անդամները, սա նշանակում է, որ ՀՀԿ-ն համայնքներում շարունակում է վստահություն ունենալ մեր հասարակության մոտ»:
Նա հավելեց, որ նիստի ընթացքում ՀՀԿ անդամները անդրադարձել են սահմանային իրավիճակին. «Անթույլատրելի ենք համարում Ադրբեջանի կողմից ուժի կիրառմամբ ցանկացած անկայունացման փորձ: Ադրբեջանի կողմից նման հարձակումները արդյունք են Ադրբեջանի ղեկավարության ապակառուցողական եւ հակահայկական քաղաքականության: Մեզ այլ բան չի մնում, քան պատասխան տալ, ինչն էլ մեր տղաները լավագույնս կատարեցին: Ադրբեջանը շարունակում է իր քաղաքականությունը եւ նրանց նախագահի արված հայտարարությունը ցույց է տալիս, որ պետությունը ընկել է իր իսկ ղեկավարության ստեղծած հակահայկական ծուղակի մեջ»:
Ամի ՉԻՉԱԿՅԱՆ
Հասարակությունը առնվազը պետք է հոգեկան հիվանդներից բաղկացած լինի, որ թեկուզ 1 տոկոս վստահի ՀՀԿ-ին: