Ամերիկյան հեռուստաաստղ Քիմ Քարդաշյանի ու նրա հարազատների այցը Գյումրի բավական կարճատև էր: Ի տարբերություն Երևանի, այստեղի բնակիչների մեծ մասը չգիտեր նրանց այցի մասին, հետևաբար և «Նանե» հյուրանոցի դիմաց մեքենայից իջնող Քիմին, քրոջը՝ Քլոեին, դիմավորեցին լրագրողները, հյուրանոցի աշխատակիցները ու հեռուստաաստղի անվտանգության աշխատակիցները:
Քիմ Քարդաշյանն ու նրա քույրը ոչ մի հարցի չպատասխանեցին, այդուհանդերձ երկրպագուհիներից մեկը, հայտնվելով այնտեղ, կարողացավ նրան ստորագրել տակ Քիմ Քարդաշյանի անունով իր օծանելիքի տուփի վրա:
Կարդացեք նաև
Նշենք, որ նրա ամուսինը՝ Քանյե Ուեսթին եւ դուստրը՝ Նորթը քնած էին հյուրանոցի դիմաց կանգնած մեքենայի մեջ: Մի քանի րոպե անց Քարդաշյանների ընտանիքը շարժվեց Վարդանանց հրապարակում գտնվող Սուրբ Ամենափրկիչ Յոթվերք եկեղեցի: Այստեղ բավական մեծ թվով մարդիկ էին հավաքվել Քարդաշյաններին տեսնելու համար: Շատերն էլ չգիտեին, թե ով է գալու, արդուհանդերձ կանգնել ու հետարքրքվում էին, թե ում են սպասում: Եկեղեցու բակում կանգնած տղամարդկանցից մեկը հարցրեց.. «Ո՞վ է գալու»: Նրան պատասխանեցին՝ Քիմ Քարդաշյանը: «Էդ ո՞վ է»,- շարունակեց տղամարդը: Նրան պարզաբանեցին, որ ամերիկյան հայտնի հեռուստաաստղ է, ազգությամբ հայուհի, որին տղամարդը արձագանքեց այսպես. «Վայ, չմեռանք, աստղին ժիվոյ տեսանք»:
Քարդաշյանների անվտանգության աշխատակիցները, որոնք բնականաբար հաղորդակցվում էին միայն անգլերեն լեզվով, գալիս ու հրահանգում էին մի կողմ քաշվել, ճամփա բացել: Լրագրողները ի սրտե նեղվում էին նրանց հրահանգներից, քանի որ անհամար էր աշխատելու համար: Վերջապես ժամանեցին Քարդաշյանները: Սուրբ Ամենափրկիչ Յոթվերք եկեղեցու մուտքի մոտ թոհուբոհ սկսվեց, Հայաստանի ոստիկանության պարեկային ծառայության աշխատակիցները խոչընդոտեցին լրագրողների աշխատանքը, գոցեցին եկեղեցու դռները՝ բառի իսկական իմաստով դուրս շպրտելով ներս մտնելու փորձ անողներին:
Վայրկյաններ անց եկավ Շիրակի հոգևոր առաջնորդ Միքայել եպիսկոպոս Աջապահյանը՝ բացականչելով. «Բաց արեք եկեղեցու դռները, ո՞վ է ձեզ թույլ տվել փակել, ներս թողեք ժողովրդին»: Սրբազանն այնպես էր զայրացել, որ մի քանի բառով անպատվեց իրեն հակաճառող անվտանգության աշխատակիցներին: Նրանք անակնկալի եկան Սրբազանի խոսքերից:
Երբ ժողովուրդը փորձեց ներս մտել եկեղեցի, Քարդաշյան քույրերը արագ հեռացան այնտեղից: Նրանք ուղևորվեցին Մյասնիկյան 143 հասցեի տուն՝ նկարահանումներ կատարելու: Այստեղ, ըստ էության, ապրել են նրանց նախնիները: Տան դուռը փակ է, ոչ մեկը չի բնակվում, սակայն Քարդաշյանները ներս մտան՝ այսպիսով փորձելով գտնել իրենց արմատները: Այնուհետ դարձյալ ուղևորվեցին «Նանե» հյուրանոց, որտեղ դեռևս 2 օր առաջ համարներ էին պատվիրել, որոշ ժամանակ մնալով այստեղ, մեկնեցին Երևան:
Նշենք, սակայն, որ այսօր առավոտից Քարդաշյաններին էին սպասում նրանց իրենց ազգականները համարող գյումրեցի Քարտաշյանները: Վերջիններս սեղան էին փռել ու սպասում էին Քարդաշյաններին, սակայն աստղերն այդպես էլ չգնացին Մատնիշյան փողոցի ցեխոտ, անանցանելի փողոցում գտնվող Քարտաշյանների տուն: Մինչդեռ 83-ամյա Ռուբիկ Քարտաշյանը տոհմածառն էր հանել, որպեսզի ցույց տա Քիմին ու օգնի նրան գտնել իր արմատները:
Ի դեպ, այս տան բակում Քարդաշյաններին սպասում էր նաև Գյումրու փոխքաղաքապետ Վաղարշակ Մխիթարյանը, որը բերել էր քաղաքապետի նվերները՝ ոսկե մուշուրբա ու Գյումրու մասին պատմող գիրք:
Նունե ԱՐԵՎՇԱՏՅԱՆ
Էտ էլ դաս կլինի փողքաղաքապետին , որ Գյումրիի փողոցները ասֆալտապատեն, որ մարդիկ չվախենան էդ տակնուվրա եղած փողոցներից …
Հավանաբար արարողակարգը կազմողները չեն ընդգրկել և հնարավոր է Քիմն ընդհանրապես այդ Քարտաշյանների մասին չի էլ իմացել…
Եթե փողոցը ցեխով պատված չլիներ, կգնային: Չեն ուզեցել Քիմը Գյումրիի «անուշիկ»
փողոցները տեսնի
պարզապես՝ լաւ չի կազմակերպվել այցի այս բաժինը… պատահական է, որեւէ ճամբորդության պարագային…
Յ.Գ. Քիմ տեղեա՞կ էր որ, սեղանի շուրջ, զինք էին սպասում գյումրեցի Քարտաշյանները…
վստահաբար ոչ… թէ որ տեղյակ լիներ, անկարելի է որ զիրենք վիրաւորեր այդպես… իր յանցանքը չի… շատ դժվար կացության մէջ է… ներողամիտ եղեք… մեր աղջիկն է…