Երեկ ռուսական «Ռոսիա 24» հեռուստաընկերությունը տեղեկատվություն տարածեց, որ Ռուսաստանն առաջիկայում կնվազեցնի Հայաստան մատակարարվող գազի գինը: «Եվրասիական տնտեսական միություն Հայաստանի մուտքով պայմանավորված` գազի սակագինը Հայաստանի համար կիջեցվի և կկազմի 165 դոլար 1000 խմ-ի դիմաց: Նման սակագնի սահմանումը թույլ կտա նաև ներդրումներ կատարել գազամատակարարման համակարգի մոդերնիզացման աշխատանքներում»,- ասվում էր հաղորդագրությունում`հավելելով, որ այդպիսի պայմանավորվածություն է ձեռք բերվել «Գազպրոմ» ընկերության վարչության նախագահ Ալեքսեյ Միլլերի և Հայաստանի նախագահ Սերժ Սարգսյանի հանդիպման ժամանակ:
Բայց, «Գազպրոմ»-ն էժան գազ է վաճառելու իր դուստր ձեռնարկությանը՝ «Գազպրոմ Արմենիա»-ին, հետևաբար՝ գազի գինը չի նվազի բնակչի համար»: Բնակիչները շարունակելու են 1 խորանարդ մետր գազի դիմաց վճարել 156 դրամ: Խոշոր սպառողները ևս կշարունակեն վճարել ինչպես նախկինում՝ 1000 խորանարդ մետրի դիմաց 270 դոլար: Ի՞նչ խաղ է սա, թե ծաղր ՀՀ քաղաքացիների նկատմամբ`Aravot.am-ի հարցին իշխող ՀՀԿ խմբակցության ղեկավար Վահրամ Բաղդասարյանը համամիտ չէ: Ավելին, ասում է, որ այդ քայլն արվել է, որպեսզի գազի գինը հերթական անգամ չբարձրացվի:
Այլ մանրամասները` տեսանյութում
Նելլի ԳՐԻԳՈՐՅԱՆ
