Բրազիլիայում ավարտվեց հունահռոմեական եւ ազատ ոճի ըմբշամարտի աշխարհի առաջնությունը, որտեղ երկու ոճերում հանդես եկած Հայաստանի հավաքականների 12 մարզիկները միասին (6-ական հունահռոմեական եւ ազատ) նվաճեցին ընդամենը մեկ բրոնզե մեդալ: Այն բաժին հասավ 120 կգ քաշային հունահռոմեական ըմբիշ Էդգար Խաչատրյանին:
Եթե մեր երիտասարդ հունահռոմեականներից հինգը կարողացան մեկնարկային գոտեմարտերում մեկ կամ երկու հաղթանակ տանել, ապա ազատ ոճում պատկերը միանգամայն հակառակն էր: Մրցագորգ մտած վեց ըմբիշներից միայն 84 կգ քաշային Սարգիս Հովսեփյանին հաջողվեց հիմնական մրցաշարում մեկ հաղթանակ տանել: Մյուսները միմյանց ետեւից հանդիսատեսի վերածվեցին հենց առաջին իսկ գոտեմարտից հետո:
Աշոտ ՀԱԿՈԲՅԱՆ
Լուսանկարը՝ unitedworldwrestling.org-ի
