Ազգային ժողովի փոխխոսնակ, հանրաքվեի ՀՀԿ-ի նախընտրական շտաբի անդամ Էդուարդ Շարմազանովը «168 ժամ» թերթին տված հարցազրույցում «ոչ»-ի ճակատում գտնվող ընդդիմադիրներին հեգնել էր, որ եթե ամեն ընտրատարածքում չունես 2 վստահված անձ, ինչպե՞ս ես հավակնում, որ «ոչ» լինի. «Եթե քո վստահված անձը քեզ չի վստահում, ինչպես ասում են` կարող է ծախվել, ինչը, ի դեպ, շատ վիրավորական է, այդքան մարդուն համարում են պոտենցիալ կոռումպացված, ուրեմն դու քամի ես, քո ասածը մի բաժակ ջրում փոթորիկ է»:
Այս առնչությամբ Aravot.am-ի հետ զրույցում «Նոր Հայաստան» ոչ-ի շտաբի անդամ, «Ժողովրդավարական հայրենիք» կուսակցության նախագահ Պետրոս Մակեյանն ասաց, որ իրենց ճակատը չի էլ ուզում տեղամասերում վստահված անձանց խնդիր լուծել. «Մեր խնդիրը տեղամասերում ոչ-ի քվեները պահելը չէ: Մեր խնդիրն է դեկտեմբերի 1-ից սկսել անհնազանդություն եւ ոչ միայն չգնալ այդ հանրաքվեին, այլեւ իշխանափոխության հասնել: Մենք մաքսիմում նշաձող ենք դրել, իսկ այն, որ պետք է գնան, ընտրատեղամասերում պահեն՝ դա իշխանության ծրագրերից է, որը մեզ չի վերաբերում»:
Ըստ Պետրոս Մակեյանի, իշխանությունն իր ծրագիրն իրականացնելու համար պետք է տարբեր ձեւերով փորձի հասնել իր նպատակին. «Ժառանգությունը», որը մտնում է «Նոր Հայաստանի» մեջ, իրենք էլ շահագրգռված չեն ընտրատեղամասերում քվեներ պահելով: Իրենք էլ կոչ են անում, որ հրապարակ դուրս գան մարդիկ եւ դեկտեմբերի 1-ից մասնակցեն անհնազանդության»:
Հռիփսիմե ՋԵԲԵՋՅԱՆ
Կարդացեք նաև
