Քիչ առաջ Շիրակի մարզպետ Ֆելիքս Ցոլակյանը խորհրդակցություն է հրավիրել, որին մասնակցել են մարզի բոլոր առողջապահական հիմնարկների, այդ թվում պոլիկլինիկաների ղեկավարները: Մարզպետի հիմնական նպատակը եղել է H1N1 վիրուսի տարածման պայմաններում ճիշտ կանոնակարգել աշխատանքները:
Բանն այն է, որ մարզի բնակչության գերակշռող մասը, լսելով H1N1 վիրուսի մասին, խուճապահար միանգամից դիմում է հիվանդանոց՝ չանհանգստացնելով պոլիկլինիկայի բժիշկներին՝ իրենց ընտանեկան բժշկին կամ վարակաբանին: Այսպիսով` արհեստական ծանրաբեռնվածություն է ստեղծվում Գյումրու հիվանդանոցներում, իսկ պոլիկլինիկայի բժիշկներն ազատվում են պատասխանատվությունից:
Շիրակի մարզպետը պոլիկլինիկայի տնօրեններին հրահանգել է հիվանդանոցների տնօրենների հետ համատեղ կանոնակարգել աշխատանքը: Որոշվել է ցերեկային ժամերին հիվանդին հիվանդանոց ուղարկել միայն անհրաժեշտության դեպքում ու պոլիկլինիկայի ուղեգրով. հիվանդը պոլիկլինիկայում պիտի անցնի ռենտգեն, եթե կա ստացիոնար բուժում ստանալու, հիվանդանոց պառկելու անհրաժեշտություն, նոր միայն ուղարկել հիվանդանոց:
Իսկ թե ինչ վիճակ է Շիրակի մարզում, ավելացե՞լ , թե՞ նվազել է սուր շնչառական վարակի բարդություններով ստացիոնար բուժում ստացողների թիվը, Գյումրի բժշկական կենտրոնի տնօրեն Արմեն Իսահակյանի՝ Aravot.am-ին տված պարզաբանումները քիչ անց:
Կարդացեք նաև
Նունե ԱՐԵՎՇԱՏՅԱՆ
