Նախօրեին ԵՄ միասնական արտաքին քաղաքականության եւ անվտանգության հարցերով բարձր ներկայացուցիչ Ֆեդերիկա Մոգերինիի հետ հանդիպումից հետո ԱԺ ՀՀԿ խմբակցության ղեկավար Վահրամ Բադդասարյանը հայտարարել էր, թե ԵՄ-ն ողջունել է սահմանադրական փոփոխությունները։
Միայն թե, ՀՀ բարձրաստիճան պաշտոնյաներից, ԱԺ խմբակցությունների, քաղաքացիական հասարակության ներկայացուցիչների հետ հանդիպումից հետո ասուլիսի ժամանակ Մոգերինիի հայտարարությունները միանգամայն այլ բանի մասին են վկայում. «Առանց ընտրախախտումների մասին պնդումների թափանցիկ հետաքննության եւ համապատասխան միջոցներ ձեռնարկելու՝ եթե այդ պնդումները հաստատվեն, սահմանադրական վերջին հանրաքվեն բաց թողնված հնարավորություն կլինի՝ Հայաստանում ընտրական գործընթացի նկատմամբ վստահությունն ամրապնդելու համար»,- ասել է նա։
Միաժամանակ, Մոգերինին ասել է, թե հատուկ ուշադրություն պետք է դարձնել ընտրական համակարգի բարեփոխմանը, եւ ԵՄ-ն աջակցում է ԵԱՀԿ/ԺՀՄԻԳ-ի փորձագետների խմբի կողմից՝ սահմանադրական հանրաքվեի առնչությամբ արված առաջարկությունները:
Նկատենք, որ դիվանագիտական լեզվով սրանք բավական կոշտ գնահատականներ են, պարզապես՝ պետք է հասկանալ դիվանագիտական լեզուն:
Կարդացեք նաև
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
