2016թ. մարտի 18-ին Թուրքիայի նախագահ Էրդողանը ելույթ էր ունեցել «Զոհերի հիշատակման օրվա և Չանաքքալեի ծովային ճակատամարտում հաղթանակ տանելու 101-ամյակի» կապակցությամբ։ Նախագահ Էրդողանի ելույթից որոշ հատվածներ, ինչպես նաև ելույթի ամբողջ տեսագրությունը տեղադրված է Թուրքիայի նախագահական նստավայրի պաշտոնական կայքում։
Թուրքիայի նախագահն իր ելույթում անդրադարձ էր կատարել նաև միջազգային ահաբեկչության խնդրին, ինչպես նաև 2016թ. մարտի 13-ին Անկարայում տեղի ունեցած ահաբեկչական պայթյունին։ Քննադատելով եվրոպական պետություններին՝ ահաբեկչության դեմ հավուր պատշաճի չպայքարելու և նույնիսկ դրանցից որոշներին աջակցելու համար՝ Էրդողանն ասել էր. «Ոչ մի պատճառ չկա, որ Անկարայում պայթած ռումբը չպայթի Բրյուսելում կամ եվրոպական որևէ այլ քաղաքում, որոնք հնարավորություն են ընձեռում ահաբեկչական կազմակերպությունների կողմնակիցների համար շոուներ կազմակերպել։ Չնայած այս բացահայտ ճշմարտությանը, եվրոպական պետությունները շարունակում են առաջնորդվել այդպիսի անհեռանկարությամբ, ինչը նման է պարի՝ ականապատ դաշտում։ Երբեք չեք կարող իմանալ, թե երբ ձեր ոտքը կդիպչի ականին, բայց ակնհայտ է, որ դա է անխուսափելի վերջաբանը»։
Հիշեցնենք, որ 2016թ. մարտի 22-ին ահաբեկչական պայթյուններ են գրանցվել Բրյուսելի օդանավակայանում և մետրոյում, որոնց հետևանքով, նախնական տվյալներով, զոհվել է 27 մարդ։
Բրյուսելում կատարվողն ուղիղ հեռարձակմամբ՝ դիտեք Sky News-ի եթերում
Կարդացեք նաև
https://www.youtube.com/watch?v=y60wDzZt8yg
