«Մեր նպատակը երբեք չի եղել միակողմանի ճանաչում, մեր նպատակն է, որ ԼՂՀ ժողովուրդը կարողանա օգտվել իր միջազգային իրավունքից՝ միջազգային նորմերին համապատասխան, Մինսկի խմբի նորմերին ու սկզբունքներին համապատասխան»,-այսօր խորհրդարանում լրագրողների հետ զրույցում ասաց ԱԺ փոխխոսնակ Էդուարդ Շարմազանովը` պատասխանելով հարցին`արդյոք ՀՀ-ն գնում է ԼՂՀ-ի ճանաչմանը:
Էդուարդ Շարմազանովը հիշեցրեց Արցախի ԱԳ նախարարի հայտարարությունն առ այն, որ ԼՂՀ-ի նպատակն է՝ միջազգային ճանաչման հասնել:
«Մեր վեց խմբակցությունների հայտարարության մեջ հստակ ասվում էր, որ ի վերջո պետք է դահիճն անվանվի դահիճ, հանցագործն ուղիղ անվանվի հանցագործ: ՌԴ-ում Ադրբեջանի դեսպանը բաց հրապարակային ասել է, որ իրենք են սկսել և Մինսկի խմբի համանախագահները շատ լավ գիտեն, թե ով է սկսել, և այդ երկրները գոնե ունեն բազում տեխնիկական հնարավորություններ պարզելու, թե ով է ագրեսիայի և ահաբեկչության հիմնադիրը, ով է լարում իրավիճակը և հավասարության նշան դրվող որևէ հայտարարություն՝ անկախ դա Լոս Անջելեսից է, Սան Ֆրանցիսկոյից, Մոսկվայից, Փարիզից, թե Վիեննայից, չի կարող օժանդակել այս կարգավորմանը: Հավասարության նշան դնելն անթույլատրելի է»,- ասաց Էդուարդ Շարմազանովը` պատասխանելով հարցին`ինչպե՞ս են վերաբերվում Հայաստանի ռազմավարական դաշնակից ՌԴ-ի կրավորական կեցվածքին:
Այլ մանրամասները`տեսանյութում
Կարդացեք նաև
Նելլի ԳՐԻԳՈՐՅԱՆ