«Քառօրյա պատերազմը ցույց տվեց, որ թշնամին սխալվել է իր հաշվարկներում: Նա ակնկալում էր տեսնել հուսալքված մի ժողովուրդ, այնինչ տեսավ նրան բանակի շուրջ համախմբված, տեսավ, որ մի կողմ է դրել բոլոր խնդիրներն ու տարաձայնությունները և դարձել մեկ ամբողջական կենսական օրգանիզմ, որը գործում է մի գիտակցությամբ՝ մենք պարտավոր ենք պաշտպանել մեր հայրենիքը»,- «Տեսակետ» մամուլի ակումբում այսօր լրագրողների հետ հանդիպման ժամանակ նշեց բանաստեղծ Հովհաննես Շանթը:
Նրա կարծիքով սա հետախուզություն էր՝ ստուգելու պատերազմելու մեր կարողությունը, և ոչ մի երաշխիք չկա, որ վաղը նորից մենք պատերազմի մեջ չենք լինելու:
«Չորս օրով չավարտվեց պատերազմը»,- իր հերթին ընդգծեց «Հայկազունք» համույթի գեղարվեստական ղեկավար Գուսան Հայկազունը:
«Բոլորս էլ շատ հպարտացանք, որ մեր ժողովուրդն այդպես միանգամից ոտքի կանգնեց,- շարունակեց նա.- շատերը չէին սպասում այդ ոգևորությանն ու համախմբմանը: Բայց հպարտանալուց բացի, մենք պետք է նաև դասեր քաղենք: Թերություններ կան, որոնք շտկել է պետք: Շատ անելիքներ ունենք: Պետությունն ամեն խաղաղությունից հետո պիտի պատրաստվի»:
Կարդացեք նաև
Գուսան Հայկազունը հորդորեց միառժամանակ դադարեցնել եկեղեցաշինությունը Հայաստանում. «Ես ուզում եմ դիմել մեր իշխանություններին հարյուր տարով արգելել եկեղեցի կառուցել: Ով փող ունի, եկեղեցի է կառուցում: Հերիք է: Մենք այնքան եկեղեցի ունենք, որ լրիվ բավարար է մեր ժողովրդին: Փող ունեք, ժողովրդին զինեք: Եթե վաղը, Աստված չանի, էս երկիրը մեր ձեռքից գնա, ձեր սարքած եկեղեցիներն ո՞ւմ են պետք: Մի հարյուր տարով ընդհատեք այդ եկեղեցաշինությունը, ժողովրդին պահեք, զինեք, երկիրը հզորացրեք, հետո կկառուցեք ինչքան պետք է»,- ասաց Գուսան Հայկազունը:
Սիրանուշ ՀԱՅՐԱՊԵՏՅԱՆ
եկեղեցի են կառուցում վորպեսզի վոնց վոր միշտ փող դիզեն շատ փող դիզեն իսկ վոր զինեն կարողա ժողովուրդը հաց ել պահանջի բա իրանք ինչ լափեն բա մեխք չեն