Հարցազրույց պատգամավոր ՍԱՄՎԵԼ ՖԱՐՄԱՆՅԱՆԻ հետ
-Պարոն Ֆարմանյան, խորհրդարանում հայտարարեցիք, թե մեր զինվորներն իրենց կյանքով վճարեցին պետության փրկության համար, ու ժամանակն է, որ պետությունը հետեւության հանգի` կատարի արագ եւ աննախադեպ քայլեր: Զինված ուժերի բարձրաստիճան պաշտոնյաների պաշտոնանկությունն այդ տրամաբանության մե՞ջ դիտարկենք:
-Ձեր հարցին կպատասխանեմ հետեւյալ կերպ: Համոզված եմ, որ մենք որպես քաղաքական համակարգ` ե՛ւ որպես իշխանություն, ե՛ւ որպես ընդդիմություն, անհամարժեք ենք մեր ժողովրդի հավաքական այն հատկանիշներին, որոնք մեկ անգամ եւս դրսեւորվեցին այս օրերին։ Կարծում եմ, որ իշխանությունը պարտավոր է ստեղծված իրավիճակից հետեւություն անել:
Մեր ներքին կյանքում հասունացել է փոփոխությունների անհրաժեշտությունը, ու ես այդ մասին առաջին անգամ չէ, որ բարձրաձայնում եմ: Փոփոխությունները բոլոր ոլորտներում` այլընտրանք չունեն:
Կարդացեք նաև
Երբ խոսում եմ քաղաքական համակարգի որակների անհամապատասխանության մասին, նկատի ունեմ այն, որ մեր երկրում հասունացել է հայրենասեր, նախանձախնդիր, պատրաստված, գլոբալ մտածողություն ունեցող սերունդ, խոսքս անկախության սերնդի մասին է, որի ներգրավումը պետական քաղաքական գործընթացներում այլեւս դարձել է պարտադիր: Նոր սերունդը կարող է լիարժեք պատասխանատվություն ստանձնել մեր ժողովրդի եւ պետության համար, կարող է նոր, առավել լուսավոր ու արժանապատիվ էջ բացել մեր ժողովրդի պատմության համար: Եվ մենք, որպես քաղաքական համակարգի գործող ներկայացուցիչներ` իշխանություն եւ ընդդիմություն, օր առաջ պետք է մոտեցնենք այդ պահը:
Ա.ՍԻՄՈՆՅԱՆ
Հարցազրույցն ամբողջությամբ՝ «Հայոց աշխարհ» թերթի այսօրվա համարում
1. Պետք է սկսել ՀՀ Ազգային ժողովիղ և ընտրական օրենսգրքից:
2. Պետք է մանկապարտեզում և դպրոցում սովորեցնել, որ գողություն ու թալան չի կարելի անել:
3. Այսօրվա իրավիճակը պետք է անընդունելի լինի բոլորիս համար և մենք պետք է կարողանանք դաստիարակել ազգին ու հայրենիքին նվիրված սերունդ: