Տավուշի մարզի սահմանամերձ Բերդավան գյուղի շուրջ 200 բնակիչներ նամակով դիմել են ԱԺ պատգամավոր Էդմոն Մարուքյանին, դժգոհելով, որ համայնքների խոշորացումով Բերդավանը մաս է կազմելու Կողբ համայնքին:
Հունիսի 14-ին կառավարության նիստերի դահլիճում կայացած ԱԺ տարածքային կառավարման եւ տեղական ինքնակառավարման հանձնաժողովի արտագնա նիստում Բերդավան համայնքի ղեկավար Արարատ Գաբրիելյանը ելույթ ունենալով՝ իր մտահոգություններն է հայտնել, որ 3600 բնակիչ ունեցող սահմանամերձ Բերդավանը ընդգրկվելու է Կողբ համայնքի կազմում:
Ա. Գաբրիելյանի վկայությամբ՝ բերդավանցիներից ոմանք իրեն ասել են, որ Կողբ համայնքի կազմում ընդգրկվելու դեպքում, ի նշան բողոքի, հանձնելու են իրենց անձնագրերը:
Գյուղապետից տեղեկացանք, որ այսօր՝ հունիսի 15-ին, ժամը 17-ին Բերդավանում կայանալու է համայնքի ավագանու բաց նիստ՝ գյուղի բնակիչների մասնակցությամբ: Օրակարգում համայնքի խոշորացման հարցն է:
Կարդացեք նաև
Ոսկան ՍԱՐԳՍՅԱՆ
