Ստամբուլում նախատեսվում է հիմնադրել Թուրքիայում ապրող հայազգի հանրահայտ լուսանկարիչ Արա Գյուլերի անվան տուն-թանգարանը։ Այս մասին տեղեկացնում է «Ակօս»-ը։
Հայազգի լուսանկարչի կյանքն ու ստեղծագործություններն ամփոփող տուն-թանգարանը նախատեսվում է հիմնադրել Ստամբուլի Բեյօղլու թաղամասի այն շենքում, որտեղ ծնվել, մեծացել և որոշ ժամանակ աշխատել է լուսանկարիչը։
Արա Գյուլերի անվան տուն-թանգարանում նախատեսվում է ցուցադրել նրա հեղինակած լուսանկարները, աշխատանքային և անձնական իրերը, ինչպես նաև այն բոլոր մրցանակները, որոնց արժանացել է հայազգի լուսանկարիչը իր լուսանկարչական գործունեության ընթացքում։
