Հոկտեմբերի 2-ի ՏԻՄ ընտրություններն անակնկալ ավարտ ունեցան Արթիկում, պարտվեց ՀՀԿ-ի թեկնածու Մուշեղ Պետոյանը, հաղթեց ՀՀԿ-ական Մխիթար Վարագյանը (լուսանկարում), որն ինքնառաջադրվել էր ու 154 ձայնով հաղթել մրցակցին։
Մինչդեռ Մխիթար Վարագյանը երեկ վստահեցնում էր, որ ՀՀԿ-ն ոչ թե Պետոյանին է պաշտպանել, այլ հենց իրեն։ «Մարզային կառույցն իրեն է պաշտպանել, Արթիկինը՝ ինձ»,- մանրամասնեց Վարագյանը՝ բացահայտելով ՀՀԿ-ում տիրող պառակտվածությունը։
Հիշեցմանը, որ բազում ՀՀԿ-ականներ հայտարարել են Պետոյանին աջակցության մասին, մասնավորապես՝ Վահրամ Բաղդասարյանը, Ռուբեն Թադեւոսյանը, որոնք ընդունել են, որ «մրցակցային» ընտրությունների արդյունքում կարող է նաեւ իրենց թեկնածուն պարտվել, Վարագյանը չընդունեց. «Չեմ հավատում,որ նման բան հայտարարած լինեն, իրենք հաստատ չեն հայտարարել, որ Պետոյանին են պաշտպանում»։
Վարագյանը պնդեց, որ քաղաքի բոլոր ՀՀԿ-ականներն աշխատել են իր օգտին։
Կարդացեք նաև
Առաջիկա պլանների մասին խոսելով՝ Վարագյանն ասաց, որ չի սպասում մինչեւ նոյեմբերի 12-ը, երբ պաշտոնապես կստանձնի քաղաքի ղեկավարումը։ Նա արդեն իսկ գործի է անցել, նախընտրական ծրագրի իրականացման ճանապարհին է, սկսել է ամենակարեւորից, ռուսաստանաբնակ հարուստ գործարար եղբորը հորդորել է Արթիկում կարի ֆաբրիկա բացել, աշխատատեղեր ստեղծել։
Լուսինե ՇԱՀՎԵՐԴՅԱՆ
Հոդվածն ամբողջությամբ՝ «Հրապարակ» օրաթերթի այսօրվա համարում
