«Չեմ պնդում, սակայն միանգամայն հավանական եմ համարում, որ ադրբեջանական կողմը կձգտի «աջակցել» այդ քարոզի կեղծ ճշմարտացիության հաստատմանը՝ առնվազն մինչեւ ապրիլյան ընտրությունների օրն անդադար միջադեպեր հրահրելով առաջնագծում ու նորանոր կյանքեր խլելով»,- «Առավոտի» հետ զրույցում ասաց ԼՂՀ նախկին արտգործնախարար Արման Մելիքյանը:
Ըստ մեր զրուցակցի՝ այսպիսով Բաքուն իր կողմից կհաստատի հողատուների այն պնդումը, որի համաձայն՝ տարածքները հակառակորդին չհանձնելը մեզ բազում երիտասարդ կյանքեր կարժենա, ու ավելի ճիշտ կլինի անձնատուր լինել. «Նշված քաղաքական ուժերն էլ կներկայանան խաղաղության ջահակիրների դերում եւ ամեն մի նոր զոհի բոթը կզուգորդեն՝ «ախր ասում ենք, չէ՞, որ հող տալն է փրկությունը» շուտասելուկով: Մեծ հաշվով կստացվի այնպես, որ հող տալու ներհայկական քարոզն առաջիկա ամիսների ընթացքում կխթանի հակառակորդի ռազմական ակտիվությունը»:
Կարդացեք նաև
«Առավոտ»
11,02.2017
