Ջերմուկում ավարտվեց շախմատի Եվրոպայի պատանեկան «Գրան Պրիի» երկրորդ փուլը: Շրջանաձեւ մրցակարգով անցկացված մրցաշարին մասնակցեց յոթ երկրի 12 շախմատիստ:
Հայաստանը ներկայացրին միջազգային վարպետներ Արամ Հակոբյանը, Շանթ Սարգսյանը, ինչպես նաեւ Մամիկոն Ղարիբյանը:
Մրցաշարի հաղթող դարձավ ուկրաինացի միջազգային վարպետ Կիրիլ Շեւչենկոն՝ 11 հնարավորից վաստակելով 10 միավոր: 8.5 միավորով երկրորդ տեղը զբաղեցրեց Շանթ Սարգսյանը, բրոնզե մեդալակիր դարձավ Արամ Հակոբյանը՝ 7.5:
Մամիկոն Ղարիբյանը 4.5 միավորով պայքարն ավարտեց յոթերորդ հորիզոնականում:
Աշոտ ՀԱԿՈԲՅԱՆ
Լուսանկարը՝ chessacadey.am-ի
