Լրահոս
Օրվա լրահոսը

Ռեֆորմիստների թեկնածու. «Քվեարկել եմ հանուն իմ երեխաների բարեկեցիկ ապագայի»

Սեպտեմբեր 23,2018 15:03

Ռեֆորմիստների քաղաքապետի թեկնածու Արտակ Ավետյանը քվեարկեց 69 դպրոցում տեղակայված 8/30 ընտրական տեղամասում: Նա ընտրական տեղամաս էր եկել մոր, կնոջ եւ զավակների հետ: Եվ ի տարբերություն այլոց, ոչ թե վաղ առավոտյան քվեարկեց, այլ 13:30:

Ընտրությունների ընթացքին եւ բերման ենթարկվածներին, խուզարկություններին անդրադառնալով` Արտակ Ավետյանը նշեց, որ նման բաներով պետք է զբաղվեն իրավապահ մարմինները, իսկ ընդհանուր առմամբ, ընտրարշավը խաղաղ է ընթացել: Նաեւ հավելեց. «Իհարկե այն ամենը ինչ տեղի է ունենում իմ քաղաքում, եթե ոչ նորմալ երեւույթ է, ինձ մտահոգում է որպես երեւանցի, քաղաքացի: Մնացած ամեն ինչն անցել է շատ հարթ, լրատվամիջոցները բոլորիս հավասար լուսաբանել են»:

Aravot.am-ի հարցին` հանուն ինչի է քվեարկում, Արտակ Ավետյանը պատասխանեց. «Հանուն կանաչ Երեւանի, հանուն իմ երեխաների մաքուր օդի, բարեկեցիկ ապագայի, հանուն իմ ընկերների, հարազատների, հանուն երեւանցիների: Մենք մեկ օրգանիզմ ենք, մեկ քաղաք, բոլորս ընդհանուր մի գործ անենք, բոլորս պետք է ծաղկեցնենք աշխարհի ամենալավ քաղաքը»:

Խոսելով ընտրակեղծիքների վերաբերյալ լուրերի մասին, ռեֆորմիստների քաղաքապետի թեկնածուն ասում է, որ իրենք տեղեկություններ չունեն, ընդամենը լսել են փոքր խախտումների մասին: Ասաց նաեւ, որ ընտրությունների ընթացքը դրական է գնահատում, շանսերի առումով էլ լավատես է. «Այս գործում հաղթողներ ու պարտվողներ չկան, մենք ընդամենը նույն գործն ենք անում»:

Մանրամասները՝ տեսանյութում:

Արտակ Ավետյանի որդին`Արան, որ հոր հետ եկել էր ընտրատեղամաս, ասաց, որ երբ տեղեկացել է` հայրը քաղաքապետի թեկնածու է, շատ հպարտացել է իր հայրիկով. «Ես այսօր եկել եմ իր հետ, քանի որ ուզում էի իր կողքին լինել, իրեն օգնել, քանի որ միշտ իր կողքին եմ եղել»:

Մանրամասները՝ տեսանյութում:

Գոհար ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2018
Երկ Երե Չոր Հնգ Ուրբ Շաբ Կիր
« Օգո   Հոկ »
 12
3456789
10111213141516
17181920212223
24252627282930